مشاهدة النسخة كاملة : تخاريف عربي - عبدالناصر البنا


الصفحات : [1] 2 3 4 5

عبدالناصر البنا
01-04-2011, 09:00 PM
http://saddana.com/up/images/vdfhx0vojrx3mqrbm3yw.gif

السلام عليكم ايها الساده المهلوسون هل تسمحون لي بكاس من الهلوسه احتسيه ساخنا لكي ادفئ به وحدتي : كلمة هلوسه علي وزن مفعله ومثلها شرذمه وميمنه وميسره ومساله وهذه مساله محيره فادا سمحنا لانفسنا ان نقول هلوسات فلا بد ان نسمح بان نقول شرذمات وميمنات وميسرات وخذ وهات واري انه من الافضل ان نقول :هلوستنا فاذا لم يعجبكم هذه الهلوسه فسامحوني وشكرا علي كرم الضيافه ؛عبد الناصر البنا

عبدالعليم حريص
01-04-2011, 09:42 PM
أ/ عبدالناصر
مرحبا بك في هلوساتنا وهلوستنا
يبدو يا أخي أنك ستصبح إمام المهلوسين
فما علاقة هلوساتنا بهلوستنا
أيها المهلوس الجميل
همسة: لو تنبه الأخوة المهلوسون للدقائق اللغوية لأفاقوا ولم يعودوا مهلوسين فبذلك سنحرم الأخوة العقلاء من أجمل ما يقرؤون على هذا المتصفح ..
في انتظار أولى هلوساتك

عبدالناصر البنا
01-04-2011, 10:10 PM
من ساعة ما قدمت علي طلب العضويه في صدانا الادبيه وقبلو عضويتي وانا كل يوم اتسحب (من ورا مراتي) وادخل واتصفح هنا شويه وهنا شويه نفسي اقابل واحد اساله علي حاجه كده ولا كده لحد ماوصلت عند قهوة الهلوسه قلت لنفسي إستوووب هنا هلاقي اصحابي وحبايبي لم اتردد وقمت بكتابه اول هلوسه وارسلتها من شويه بس فارسل الشاعر الجميل عبد العليم رده عليا خاتما: في إنتظار اولي هلوساتك؛قصدك يعني تقلعني طيب انا مش ماشي من هنا الا اما آخد حساب الهلوسه الاولانيه والارزاق علي الله!!!!!!!!:ww::ww:

عبدالعليم حريص
01-04-2011, 10:25 PM
الجميل عبدالناصر
يا ريت بلاش تتسحب كتير هنا ..
عندي اقتراح بمناسبة أخذ حسابك
فيه على رصيف مقهى مجموعة كبيرة بتشرب شاي
وحليب وتمر والدنيا عمرانة واحتمال تطلعلك بسبوبة بيفرقوا قُرص وعجوة ههههه
ابقى زورنا هناك وخلي الهلوسة للهلوسة
أيها المهلوس الجميل
( يا خوفي يا بدران ده يكون آخر عشا) وتتقفش هنا والله ولا أعرفك القيادات العليا ما ترحمش وأنا مجرب قبلك بس الحمد لله تركتلها البلد كلها وأنا بكتبلك خايف لأن اللي بوقع ما حدش بيرحمه....
ويجعلوا عامر

عبدالناصر البنا
01-04-2011, 10:53 PM
:ooooh::ooooh::ooooh::ooooh::ooooh::ooooh:قرص وعجوه إيه ؟ انا بتاع الكلام ده ! فيه كرواسون؟؟ اسمع آخر اغنيه كتبتها للقياده العليا تبعي وهي معارضه موسيقيه لمطربه الاجيال(القادمه) :اطبطب وادلع وهي من كلمات وغناء المتالق دائما عربي الجزماتي ولقد اذيعت كما يدعي هو في حفل ساهر في قاعة بالشانزليزيه وعلي القارئ الكريم ان يتخيل الدويتو بين نانسي وعربي:اطبطب وادلع لايقول انا اتغيرت عليه::::::وانا امسح والمع جزم الجيران واصحاب البيت اصلح ارقع إنشالله حتي بحبة زيت وساعات يجيني مزاجي ساعات اخلع واروح القهوه ساعآات ولما المح مراتي جات
اخلع دي هتطلع عيني؛؛؛؛؛تكسر؛؛؛تدغدغ؛؛؛ الكبايات والالمنيات؛؛؛تفشفش؛؛تدشدش الترابيزات وعليها طلبات
انكان إزاز او كان صيني علي الزباين آه يا عيني!!!!
برجاء من الاستاذ عبد العليم عدم نشر هذه الاغنيه واذا كان ولابد فليكن بالحبر السري:mad::mad::mad::mad:

عبدالناصر البنا
01-05-2011, 09:26 AM
ياللي علي الترعه حود ع المالح:زمان كنت اسمع هذه النغمه تتردد في الافراح الشعبيه الجميله والصوت مازال يرن في اذني وانا استمع إلي موزار واستمتع بروائع ريو حينما يبدع بكمانه روائع الكلاسيك ميوزيك ولكني في كل مره اخلو إلي نفسي اتذكر وانا إيدي في جيبي في شوارع باريس الواسعه هذا الصوت وكانه يتحدث إلي في كل عيد:يوم العيد عيد علي امك يوم العيد
إنها دعوه العوده من الحياه المهمشه علي الترعه الي لذه المغامره وقمة الاستمتاع بالغوص في المالح
الحياه هنا والعيد هنا فلا عيد بلا ام ولاعيد بلا وطن وسلمولي عليه

عبدالعليم حريص
01-05-2011, 10:00 AM
وسلم عالاي...............
والفرولة بتاع الفرولة
صباحو أبيض

عبدالناصر البنا
01-05-2011, 10:15 AM
ياصباح الخير قبل ماتصحي مراتي عندي حق ام لا هل يمكن ان يمتعنا موزار اكثر من الريس متقال؟؟؟؟ وهل يمكن ان يطربنا ازناڤور اكثر من الشيخ ياسين؟؟

عبدالعليم حريص
01-05-2011, 10:28 AM
هلا وغلا
أنت وصلت للشيخ ياسين
أوعاك تقولي فاكر محمد عبدالرحيم (يا شمس النبي ما تغيبي خليني أشوف حبيبي)
والعجوز (أشكرك ههههه)
دا أنا شكلي هتسحب من ورا ........ وأقولك
ساكن في حي السيدة وحبيبي ساكن في الحسين

عبدالناصر البنا
01-05-2011, 10:54 AM
الشيخ ياسين هو اللي وصل الينا وكانت اجمل حفله عملها في حياته علي مسرح الكاردينال في باريس
اجمل شعر واحلي صوت ان صعيد مصر ملئ بمناجم الدهب! مازال صوت الدكتور جمال الغيطاني يرن في اذني :انا فخور إن في واحد من مصر جاي من اعماق الصعيد لكي يعرض ادبه للعالم ؛

عبدالعليم حريص
01-05-2011, 11:21 PM
المهلوس عبدالناصر
يبدو أنه اتقفش وهوبيتسحب للدخول للهلوسه
نسأل الله أن يفك سجنه

عبدالناصر البنا
01-06-2011, 11:12 PM
اخيرا بعد اللف والدوران وسؤال الشبان والجدعان استطعت الوصول إلي قهوة المهلوسين مرة اخري ولقد ساورني الشك ان اولاد الحلال قد ابلغوا عني (مراتي) التي راحت في سبات عميق
ونسيت ان تغلق باب الصالون الادبي بالمفتاح
جلست وحيدا افكر في امير الشعراء الذي صادف الامس الخامس من يناير ذكري رحيله الخمسين، انا لا اقصد شوقي بل اقصد بيرم التونسي وقصيده بائع الفجل التي جعلته حديث مدينة الاسكندريه والتي انتقد فيها المجلس البلدي للمدينه
يا بائع الفجل بالمليم واحدة كم للعيال وكم للمجلس البلدي
امشي واكتم انفاسي مخافة ان يعدها عامل للمجلس البلدي
كان امي ابل الله تربتها اوصت وقالت اخوك المجلس البلدي
وخرجت بنتيجه هامه جدا وخطيره وهي انه لولا بائع الفجل ما كان بيرم !!!!!!وعربي

عبدالناصر البنا
01-07-2011, 12:04 AM
بعد قراءة مقال الاستاذ عبدالعليم عن فوائد معجون الاسنان في تنظيف اشياء اخري كثيره غير الاسنان قررت اني اعمل مفاجاه للست مراتي فاتجهت فورا الي محلات كارفور التي لاتبعد كثيرا عن المنزل وقررت ان اشتري اكبر مجموعه من المعاجين ولكنني فوجئت بحشد هائل من الزبائن الذين راحوا يتخاطفون المعجون وعلمت في الحال ان الخبر قد شاع وان المعلومات المنشوره علي صفحات صدانا قد عرفها العالم وانه سوف تحدث ازمه عالميه في اسعارمعجون الاسنان ولقد استطعت بعد مجهود رائع ان افوز وحدي باربعة انابيب
دخلت علي (مراتي) شامخا ومددت لها يدي بما احضرته من مفاجاة وانا واثق انها سوف تطير من الفرحه ولكنها نظرت الي من فوق لتحت قائلة بلغتها الفرنسيه ذات اللكنه الجنوبيه :اخيرا افتكرت تغسل اسنانك وكمان خصم خمسين في الميه
خصم ايه؟؟؟؟؟؟؟ اكيد لسه ماقروش المقال!!!وعربي:mad::mad::mad:

عبدالعليم حريص
01-07-2011, 03:52 AM
مش عارف ليه لما قولت لكنة جنوبية حسيت إنك تقصد ما خطر في بالي حتى فرنسا فيها ....جنوب ههه
على العموم ما بتفرقش معانا
أما بخصوص غسيل أسنانك
فلو عندك الشجاعة الأدبية فاجأها
بالحقيقة وأخرج لها طقم السنان
إللي أنا أهدتهولك ههههه

عبدالناصر البنا
01-07-2011, 09:43 AM
:bbb::bbb:صباح الخير (قبل ما تصحي مراتي) :تمام يا صديقي الاستاذ عبدالعليم وهي بالفعل من الصعيد (الفرنسي) اما بالنسبه للطقم فانا نسيت اشكرك عليه بس إنت عرفت إزاي مقاس بقي ولا زي مابيقول المثل البقاق عند بعضها :hala::hala:
نسيتني كنت عايز اقول إيه آه إفتكرت:عن الشعر اللي ضيع إصحابه والصحاب اللي ضيعوا الشعر واشهر بيت شعر ضيع صاحبه :
انا الخيل والليل والبيداء تعرفني
والسيف والرمح والقرطاس والقلم:good::good::good:
واعتقد ان كل اللي قاعدين (علي رصيف المقهي) يعرفون قصة المتنبي ولكنهم لا يعرفون قصة آه يا واد يا ولعه خدها ونزل الترعه وهي حكايه شاب بلدياتي كان بيعشق بنت الجيران وفي إحدي مقابلاته معها فوجئ بابيه قادم من بعيد ممتطيا صهوة حماره فما كان منه إلا انه امسك بيد الفتاه ونط في الترعه بعدها إكتشف إنه مبيعرفشي يعوم وبعد ان انقذته الفتاه واخرجته من الماء راح يهلوس(زيينا) بابا بابا (قصده آبا آبا بس هو فلاح)
وبكل حب إحتضنته الفتاه قائلة الله يرحمه تعيش وتفتكر فانتفض قائما مات؟؟؟ فاجابته الفتاه بحزن :بقاله ييجي عشر سنين واكتر وسمعته يتمتم ؛الحمد لله الحمد لله ممكن بقي تسيبيني انزل الترعه ــــــــ تآآآآآآآآآآني وعربي!!!!:)

عبدالناصر البنا
01-07-2011, 10:31 AM
اما عن الاصحاب الذين ضيعوا الشعر فهم هؤلاء الموهوبون الذين يعيشون الخيال اكثر من الواقع وإعتقادهم ان الشعر هو عالم خيالي ولو نظرنا للتاريخ قليلا لوجدنا ان اجمل معلقات الشعر إن كان امرؤ القيس او طرفة بن العبد إنما تتحدث عن واقع يعيشونه وصفهم للناقة مثلا واقع مدحهم واقع ذمهم واقع عشقهم واقع ولو كان التصوير لديهم فيه جميل الخيال
ونحن علينا ان نسجل واقعنا نعم لماذا لا نجد شعرا في وصف السياره التي نركبها ولا القطار ولا الطائره ولا حتي الصاروخ الم يحرك هذا فينا الخيال اليس هذا هو واقعنا الذي نعيشه ان الشعر تاريخ الامم فاين تاريخنا ؟؟؟؟ عندما نقرأ امرأ القيس نعرف اننا في العصر الجاهلي في الصحراء هاهي عنيزه ورفيقاتها وهاهو قد عقر لهن ناقته فاذا انتقلنا الي عنتره نشعر بنبض قلبه
:ولقد شفي نفسي وابرا سقمها قيل الفارس ويح عنتر اقدمي
وودت تقبيل السيوف لانها لمعت كبارق ثغرك المتبسم
فادا انتقلنا الي حيث عمرو بن ابي ربيعه راينا طوائف الحجاج انتقلنا لعصر جديد وحياه جديده
الا ايها القوم النيام الا هبوا اسائلكم هل يقتل الرجل الحب
م الآخر لو حد قاللك انا شاعر قوله طب إيه رايك في الحته المرسيدس دي؟ لو قاللك :الله جميله إعرف إنه مش شاعر ولو قاللك لازم اجربها إعرف إنه ميكانيكي ولو قاللك بكام إعرف إنه عايز يشتريها ولو قاللك انا افضل البي إم إعرف إ نه حمار ولا بيفهم حاجه !!!!وعربي

عبدالناصر البنا
01-07-2011, 11:04 AM
صباح الخير وبسرعه(قبل ما تصحي مراتي)
كنت احب ان الفت نظر الساده الجالسين علي رصيف المقهي انه يستوجب عليهم الدخول لان السماء تنذر اليوم بامطار غزيره وفي الداخل حتما سوف يستمعون الي ثورة عدويه علي شعراء الرومانسيه بردود واقعيه لاقت إستحسانا كبيرا في هذا الوقت (لان الناس اتخنقت ) من اغاني العذاب ونار يا حبيبي نار فول بالزيت الحار كيف تتحدث عن العشق في زمن الجوع والازمات الاقتصاديه ان شعر العاميه يعبر عن الناس ومشاعرهم بكل صدق وامانه :امانه عليك ياليل طول قبل ماتصحي مراتي آه صحيت هكمل لكم بعدين وعربي!!!!

عبدالعليم حريص
01-07-2011, 01:32 PM
أحبك يا ستموني مهما الناس لاموني
قول قووول يا مكيفة..

ليلى على
01-07-2011, 11:11 PM
ولليل سمارة لا تحلوا الهلوسة بدودنهم

اهلا عبدالناصر, اهلا عبدالعليم هنا متسع رحب للهلوسه بعيدا

عن التقيد بقوانين الدؤلي وإبن منظور

مرحبا بالجميع

عبدالعليم حريص
01-07-2011, 11:45 PM
ولليل سمارة لا تحلوا الهلوسة بدودنهم

اهلا عبدالناصر, اهلا عبدالعليم هنا متسع رحب للهلوسه بعيدا

عن التقيد بقوانين الدؤلي وإبن منظور

مرحبا بالجميع


مشكورة أخت ليلى
بصراحة البنا خلانا نتخلى عن كل البرتوكولات التي نعرفها جيدا
ولكن بصراحة كما فهمت من حواره فمعنى هلوسة هلوسة مفتوحة
وأهو صبر ونال متصفح باسمه يقول فيه ما يشاء
وأنا بشجعه جدا
وأقول له

يا حلو بانت لبتك
أول ما دابت قشرتك
تحرم عليا محبتك
وراح أتوب عن سكتك
:ooooh::ooooh::ooooh:

عبدالناصر البنا
01-08-2011, 12:02 AM
مساء الخير (بعد ان نامت مراتي) وخلي لي الجو وهرب كل الجالسون علي رصيف المقهي جلست وحيدا اتذكر هذه التغيرات العجيبه وهذه التقلبات التاريخيه ولا ادري لماذا تذكرت الآن شاعر من اجمل وارق الشعراء المصريين رغم انه لم ياخذ حظا كبيرا كغيره من ابناء جيله إنه فؤاد حداد تخيلوا ان فؤاد حداد هو الذي قال :الارض بتتكلم عربي هذه المقوله التي تعادل اشهر مقولات العالم بل وتتفوق عليها :الدين لله والوطن للجميع؛ فؤاد حداد هو الذي كتب المسحراتي إصحي يا نايم وحد الدايم وهو اول شاعر عربي يكسر حواجز اللغه ويكتب باللغه العاميه الفصحي نعم سوف احضر لكم قصيده عاميه فصحي ولكن بعد التاكد انها راحت في سبات عميق وهو ايضا اول شاعر عامي إستعمل الرمز في شعره واستعان فعلا في ديوانه ام نبات بشخصيات عجيبه وكلها نساء اذكر منهم غير ام نبات /حليمه التي كانت ترسل له القصائد في السر حتي توشك ان تصدق وجودها ولقد تاثرت انا يمكن بيه في هذا الموضوع فاخترعت شخصية عربي العربي التي يعرفني بها المقربون وهو يختم كلامه دائما ب :عربي ولي معكم غدا لقاء طويل( بعد ان تسافر مراتي) عند امها
وعربي!!!!

عبدالناصر البنا
01-08-2011, 10:48 AM
شق الديك الليل وصاح
فجر جاء وفجر راح
مازالت ارجاء الظلمه
كجدار الآنية الظمآي
يتمني انات الرحمه
صمت يوشك ان يرتاح
هذا هو فؤاد حداد فيلسوف شعراء العاميه كان يتكلم في السياسه دون ان تدري:طال ظلام الليل وطاب هذا هو الديك الكذاب
وانا اري ان الشاعر لابد ان يكون له وجهه نظر ولكن كيف يعبر عنها تلك هي المساله:
إن طيور الجنه تعقد مؤتمرا في كل صبإح
ويقول:
المصري هو الشاعر القائل الناس بتاكل لحم بعض ،مش واكل
في عصر ذري
لازم نقري
شعر المعري
ولازم نقول
اول إبتدائي
الفي وبائي
اكرم آبائي
الناس اصول
عقلك في راسك
تعرف خلاصك
تحفظ تراثك
وتصبر تنول
انا ذات القناديل
معلقة إلي رمضان
انا سواق حافلة
لمن يحتاج توصيلا
ولكن اهكذا يموت الفلاسفه اهكذا يرحل فؤاد حداد وكانه لم يكن
القول ماقال الفتي السلطان اما الزمان فما له شطآن
وعربي!!!!!!

عبدالناصر البنا
01-08-2011, 11:25 AM
هكذا تكلم إزدرادشت
لم اعرف معني كلمة فلسفه ولكن عندما كنت صغيرا وكنت ازود في الكلام مع اخويا الكبير كان بيقوللي بلاش غلبه إنت هتتفلسف؟؟ومرورا من نيتشه إلي ديكارت توقفت كثيرا عند سارتر وسيمون دي بوفوار ورواية الغريب لالبير كامي التي كانت اول قراءه لي باللغة الفرنسيه ونبهني اخي الكبير إلي الفلسفه الإسلاميه وكتاب علم الكلام وبعد سنوات طويله ادركت ان الفلسفه تولد مع الانسان و ان النفس البشريه تهفو لما تحب وبدون ان تتعب نفسك وترهق عينيك فإنك فيلسوف بالفطره وانا بعد هذا كله إمنت بفلسفه جديده وجميله وهي:اللقا نصيب
فهي علي بساطتها إنما هي بالفعل عمرها ماتخيب او علي راي فنان الشعب بيرم التونسي قال إيه مراد إبن آدم قلتله شقه قال إيه يكفي إبن آدم قلتله طقه قال إيه يعجل بعمره قلتله زقه وعربي!!!!!

عبدالناصر البنا
01-08-2011, 12:00 PM
ومنين اجيب ناس لمعناة الكلام يتلوه/شبه المؤيد اذا حفظ الكلام وتلوه/وياميت ندامه علي سبع شرقاوي/ الاسم ادهم لاكن اللقب شرقاوي:هذا كلام الحاج مصطفي الذي لايعرفه احد وهو صاحب موال حسن ونعيمه و موال مسعود ووجيده ورشدي وإنصاف وزهران بطل حادثة دنشواي:يوم شنق مهران كان صعب وقفاته/امه وابوه فوق السطوح همه واخواته/اللي إنشنق شنقوه/ واللي إنجلد جلدوه/وزهران سبع ما انحنت هاماته
وقد ادرجت اعماله الإذاعه والتليفزيون تحت بند الفول كلور
لكي يصبح نهبا لكل النصابين والارزقجيه والسؤال الذي يحيرني ويقلق منامي :مين اللي كتب اغنية آه يا واد ياولعه؟؟؟؟
وعربي!!!!

عبدالناصر البنا
01-08-2011, 12:49 PM
عجبي وعربي

الكتابه عبر النوعيه
كما انه في العلوم توجد الاشعه فوق البنفسجيه وتحت الحمراء اريد ان انبه الساده القراء الي انه في الادب العالمي توجد الكتابه عبر النوعيه وهي التنقل من بين الاجناس الادبيه المختلفه بحيث تضم اكثر من جنس في عمل واحد كان يدخل الشعر في نسيج الروايه في إمتزاج جميل اما انا فاحاول مزج اللغه العربيه الفصحي بالعاميه في محاوله لازالة الملل التي قد تصيب القراء
والختام ب :عربي ؛ بدل عجبي التي ورثها الادباء وتوارثوها
بل وصنعوا لانفسهم منها طرقا مربعه يسيرون فيها ومن اشهر هؤلاء المتعجبين هو صلاح جاهين صاحب حلوه يابلدي لداليدا
والوريث الشرعي لموال حسن ونعيمه التي حولها الي فيلم سينيمائي وباضافه الي موهبته الصحفيه فهو من اشهررسامي الكاريكاتير العرب وممثل رائع وكاتب سيناريو شاطر:
مع إن كل الخلق من اصل طين/وكلهم بينزلوا مغمضين
بعد الدقايق والشهور والسنين/تلاقي ناس اشرار وناس طيبين
وعجبي
وهي كلمات شديدة البساطه لكنها بتعجب الناس الطيبين وعربي!!!!!

عبدالناصر البنا
01-08-2011, 03:10 PM
ولقد بدا عربي العربي يستقل بذاته ولاني كنت احبه كثيرا فقد كنت افضله عن ذاتي وكنت فتحت له حسابا خاصا يستطيع ان يكتب فيه ما يشاء وبالطبع فلقد كون مجموعه هائله من الاصدقاء الذين تابعوا تخاريفه ونالت إعجابهم الشديد فراحوا يرسلون له رسائل المديح والانبهار وكنت إذا كتبت شيئا جديدا ارسلته له علي الفور وكنت قد اضفته إلي قائمة اصدقائي وجعلت من نفسي قارئا وناقدا إلي ان حدث شيئا عجيبا لم اكن احسب له حسابا لقد بدا عربي يسخر من انتقاداتي له بل انه قد بدا لسانه يطول ويتهمني بالغيره وقصر الديل ومن العجيب ان اصدقاء عربي قد هبوا للدفاع عنه وانهالت عليا سيولا من الرسائل التي تتهمني بالحقد والغيره وراح اولاد الحلال يدعون لي بالهدايه والرجوع الي الصواب وقد بدات حمله حذفي من صفحات كل الاصدقاء حتي لم يبق لي الا صديقا واحدا وفي بريد الرسائل وجدت رساله غير مقروءه فضغطت عليها فوجدتها من عربي العربي:إيه رايك بقي يا حدق عربي ولا مش عربي؟؟؟؟؟؟،

أسماء صقر القاسمي
01-09-2011, 02:18 AM
تعددت لغة الهلوسات فصيح وعامي
والمعنى واحد

هلوسوا فما عاش الا المهلوسون

عبدالعليم حريص
01-09-2011, 11:26 AM
أستاذ عبد الناصر والله رائع

بس شو رأيك أخدت راحتك أنت هنا بعيد عن تجسس مراتك وتلصص الأخوة الشعراء الذين يغارون منك ما أنت عارف عدوك ابن كارك هههه
ذكرتني بقول القائل ( سيجيء يوم نجلس فيه ونحكي كي خرج الأبطال من أبناء هذا الشعب....
أكيد عرفته ولو معرفتوش
يبقى
خليك في كوزك أما نعوزك
ههههههههههه

عبدالناصر البنا
01-10-2011, 12:42 AM
مساء الاحد والاحد هو يوم الاجازه الاسبوعيه الرسمي هنا من العمل وعندي انا من(مراتي) فانا اتحرك بكل حريه واستطيع ايضا ان دخل إلي الصالون(الادبي) المفتوح علي مصراعيه في اي وقت لذلك فلقد قررت اليوم ان اكتب لكم رسالة حب وشكر وامتنان من عظيم قلبي لحسن ضيافتكم وكرمكم العظيم لي ولقلمي ولهلوستي طوال الايام الماضيه واحب ان اكرر ان قلبي لا يوجد فيه اي ذرة من (الزعل) من الرواد الذين ازعجهم وجودي المفاجي بينهم بل والتمس لهم في ذلك كل العذر فانا ضد المشاحنات الادبيه واعتبر ان خلاف الراي والذوق لهو ظاهرة صحيه جدا علينا ان نتقبلها بصدر رحب ولست من الذين اذا رفضت لهم حرفا رفضوا لكم كلمه وإذا رفضت لهم كلمه رفضوا لكم سطرا واذا رفضت لهم سطرا رفضوا لكم مقالا ولكني اؤيد الكلمه التي تقول احبوا ناقديكم وباركوا لاعنيكم فاللهم وحد قلوبنا علي محبتك وطاعتك اللهم آمين يآآآآآآآآآآ ::::عربي!!!!!

عبدالناصر البنا
01-10-2011, 01:09 AM
عربي ولا مش عربي
اليوم قررت قبل ان (تنادي عليا مراتي) ان احكي لكم عن الفصل اللي عمله في اخي عربي واعتقد انكم تعرفونه الآن جيدا وتعرفون حكايتي معاه بصراحه انا ناشر في صفحته كل التخاريف التي قمت بتخريفها العام الماضي في انتظار الوقت المناسب لكي اقوم بنشرها في كتاب او مجله وكنت قد قررت بيني وبين نفسي ان اوجه الدعوه لإداره صدانا لقراءتها قبل ان استاذنهم في نشرها علي رصيف المقهي او علي مكان ظاهر لكي يقراها الاصدقاء وكانت المفاجاه عندما حاولت الدخول الي صفحة عربي بعد اول محاوله بهذه الرساله :::كلمة السر غير صحيحه فحاولت مرة ثانيه وثالثه يانهار ابيض لقد غير كلمة السر !!! ولكن هيهات سوف ادخل عنده عن طريق صفحتي الخاصه وكانت المفاجاه الثانيه لقد اخرجني من قائمة اصدقاءه ورواد الفيسبوك يعلمون انه بهذه الطريقه فانني قد فقدت كل وسائل الاتصال به طب والحل !!!! ؟؟؟؟؟
وبينما كنت غارقا في همومي رن تليفوني جرسا منبها الي رساله جديده ضغت علي الزر لاقرا الرساله التاليه..إيه رايك بقي يا حدق عربي ولا مش عربي فصرخت قائلا !!!!عربييييييييييييييييييييييي!!!وعربي

عبدالناصر البنا
01-10-2011, 01:19 AM
:woow::woow:تعددت لغة الهلوسات فصيح وعامي



والمعنى واحد


هلوسوا فما عاش الا المهلوسون

وعلي راي المثل خد الحكمه من افواه المجانين يعني لو ملقتوش عندنا الحكمه قول علينا مجانين!!
عربي:woow:

عبدالناصر البنا
01-10-2011, 09:24 AM
تفسير الاحلام
صباح الخير (قبل ماتصحي مراتي): لم استطع النوم بسهوله ليلة امس فلقد كانت دماغي بتجيب وتودي علي صدانا ياتري ماهو الموضوع الجديد الذي سوف اكتبه غدا: ده ولاده؟؟ من الصعب ان يحافظ الانسان علي مستوي واحد من الاداء في العمل وبالذات لو كان فنان(مثلي) وفي الآخرنمت وقلت خليها علي الله
لكن نومي لم يستمر طويلا اذ صحوت علي حلم مزعج جدا اشبه بالكابوس وليس بكابوس :حلمت خير اللهم إجعله خير إني واقف امام شخص لا اعرفه وكاني اساله علي المكان الذي سوف يعقد فيه امتحان البكالوريوس السنه النهائيه وكانني كنت غائبا عن المكان لفترة طويله لا اعرف احدا ولا يعرفني احد امرني هذا السيد ان اصعد للدور الثالث واعطاني رقما (184)
ولكنني رحت اتخبط بين الادوار افتح ابوابا واجد اناسا لا اعرفهم ولا يعرفونني اخجل واضرب لخمه ثم اعود ابحث عن الرقم اسير في شارع طويل كل الارقام موجوده إلا رقمي 184
اتنفس بصوت عال تنزعج زوجتي توقظني دقائق قليله لم اوشك ان اغمض عيني اصحو علي صراخ طفلتي اسرع إلي غرفتها :مابك رايت هناك وحوشا كثيره تريد ان تلتهمني اضمها إلي صدري لا تخافي انا هنا، صلي من اجلي يا ابي فانا لا اجيد الصلاه اجل اجل ساصلي من اجلك ساصلي فكرت في الحلم الذي رايته انها ليست اول مره وان لم يكن نفس السيناريو !!!!! علي فكره دي مش من ضمن الهلوسه هذا بالفعل ما جري ليلة امس ؛هل يتفضل احد الاصدقاء بتفسير هذا الحلم وما حدث بعده
وهل يمكن ان نفتح صفحه لتفسير الاحلام :إحلم ومالكشي دعوه التفسير علي صدانا؟؟؟؟؟؟ومن غير تريقه يا استاذ ـــــــــــــــــ عربي!!!

عبدالناصر البنا
01-10-2011, 09:58 AM
دموع شارلي شابلن:
اذا كان الحديث عن الكوميديا وعباقرة السينيما وصناع الضحك في العالم فإن شارلي شابلن يتوج ملكا
وكمية الضحك الموجوده في اي من افلامه لا نظير لها في اي عمل آخر ولكن هناك شيئا جميلا لدي شارلي وهو تلك النظره الحزينه في عينيه كم مره رايت فيلم السيرك كم ضحكت ولكني في النهايه لم اكن استطيع ان املك دمعة تترقرق في عيني من اجل هذا المتشرد الذي يضحي بسعادته من اجل إسعاد حبيبته
هذه الخطوات التي يسير فيها للامام بعد ان يرحل العالم من حوله ويصبح وحيدا يمشي تاركا من خلفه الحياه انه يضحكني دائما ويبكيني ابدا فالكوميديا ليست مجرد نكته يضحك لها الناس مره إنها وجهه نظر عميقه للحياه ان شارلي متخصص في إثارة الدموع مره من كتر الضحك واخري من قسوة الحياه وعربي!!!!!

عبدالناصر البنا
01-10-2011, 10:49 AM
اخويا السيد احمد
نجح اخي الكبير احمد في الحصول علي عقد عمل لاخي الصغير السيد في إحدي الدول العربيه وفي المقابله الاولي مع صاحب العمل ساله:اسمك إيه رد السيد قاله نعم السيد؟ هذا ليس إسما اريد إسما إسمك السيد إيه رد إبراهيم ساله إبراهيم إيه رد احمد قاله بس وقف هنا إنت إسمك احمد إرتبك السيد اخي ولم يستطع الرد واصبح الجميع ينادونه احمد
مرات سنوات طويله وفي احدي المرات إتصل اخى الاصغر باخي الاكبر فاجابته زوجته التي لم تعرف صوته فسالها :ممكن اكلم احمد حاضر قوليله اخوك فعاودت السؤال اخوه مين فرد عليها بلا تردد:احمد؛ فنادت علي زوجها من الداخل احمد تليفون من اخوك احمد فخطف منها سماعة التليفون معتقدا انها معاكسه مين معايا؟؟ ايوه يا احمد انا احمد فعرف صوته علي الفور اهلا يا سيد إنت دايما كده تحب تهزر انا مبهزرش انا من هنا ورايح احمد انا عرفت انك خلفت ولد وسميته احمد يعني تسمي إبنك احمد وانا اللي اخوك من زمان من قبل حتي ماتتجوز ولا تخلف تستخسر فيا يكون إسمي احمد؟؟؟؟ إخيييه علي الإخوات شايف الظلم يا عربي!!!!!

عبدالناصر البنا
01-11-2011, 09:30 AM
الشاعر الـــــــ عربي
وهي كلمة عمر
كلمة صلاح الدين
كلمة عرابي في ميدان عابدين
الله خلقنا كلنا احرار
وصباح الجمال( قبل ماتصحي ام العيال) ولقد اصبحت اهم هوايه لي هي التجوال في ربوع صدانا والتامل في جمال هذا الصرح العظيم وانا من عشاق كل ما هو عربي وواقع في غرام كل ما هو شرقي ومن صفحة إلي اخري اقرا واحلل واناقش بيني وبين نفسي ولقد لاحظت شيئا هاما او قل شيئين الاول هو الهدوء التام كل واحد في حاله وفيييييين لو لقيت اتنين بيتكلمو مع بعض؛ تحس ان الناس هنا مش واخدين علي بعض لسه (محتاجه القصه شوية وقت)
المساله الثانيه وهي الاهم بل والاخطر هي ان كل واحد كاتب اسم بلده تحت اسمه الشاعر المصري الشاعر الجزايري الشاعر اللبناني تقولشي داخلين تصفيات كاس العالم (وده غير الل كاتب اسم مهنته الاصليه: شاعر مهندس طرق وكباري ؛شاعر ساعات بلاقي شغل وساعات بقعد ع القهوه) وكان نفسي :
نشيل الميه في الزمزميه والوطن في الذاكره الالزاميه
ونكتب لا ونكتب ليه دا كل الكلام عربي!!!!!

عبدالناصر البنا
01-11-2011, 10:27 AM
التقويم الشعري
ولقد عشت احلم ان تكون هناك الشهور الشعريه مثل الشهور الميلاديه والشهور القبطيه والشهور العربيه ولنختر إثناعشر شاعرا لكي نكون بهم السنه الشعريه ولهذا فلابد ان نعقد لجنه عربيه من كافه رجال العلم والادب وتقدم المظاريف مغلقة وبدون ورقة دمغه ثم نقوم بفتح هذه المظاريف علي الهواء مباشرة كما هو الحال مع الفيفا المنظمه لكاس العالم
تري في اي شهر سوف نكون اليوم؟؟
علي كل حال إذا كان هذا الشهر هو إمرؤالقيس الملك الضليل فهو جد مناسب لهذ الشتاء المظلم وهذه الامطار التي توشك الا تنقطع فلننشد معا
الا ايها الليل الطويل الا انجل بصبح وما الاصباح منك بامثل
اما إذا وقع الاختيار علي احد شعراء العاميه وليكن الفيلسوف العربي فؤد حداد فلننشد معا
الارض بتتكلم عربي
اما لو الكوسه عملت عمايلها وطلع ايمن بهجت قمرفعوضنا علي الله وليكن نشيدنا
اطبطب وادلع
واللي يزعل او يولع نقوله :مفيش حاجه تيجي كده اهدي حبيبي كده وارجع زي زمآآآآآآآآآآآآآآن يا عربي!!!!!!

عبدالعليم حريص
01-11-2011, 04:40 PM
البنا يعلن ثورة
ولكن تبقى الروائع روائع برغم هجومك
أوتذكر..
يا حبيبي أنا الشعر خضر في ضهري

عبدالناصر البنا
01-11-2011, 09:37 PM
الاوفياء يمتنعون!!!
سالت المذيعه ذات الصوت الذهبي المطربه ال(صفاره) ذات الصوت الذهبي (نعم نفس اللون علي فاتح) عن رسالتها الفنيه هل هي مــوجهه للمراه ال(صفاره) بصفه خاصه ام للمراه ال(عربيه) بصفه عامه فاجابتها بذكاء شديد: اكيد المراه ال(صفاره) هي جزء من المجتمع ال(عربي) بصفة عامه وانها قد ووضعت جميع انواع الرتمات(جمع رتم قياسا علي لحمات جمع لحم وعدلات جمع عدل) لكي تجد المراه ال(صفاره) والمراه ال(عربيه) راحتها وممارسة رياضتها ؛هذا بالنسبه للميوزيك اما بالنسبه للموضوع (قياسا علي :مشروع ومرفوع ومصنوع) فهو الموضوع المحبب لقلب المراه في كل مكان وزمان وهو سفاله ونذاله الرجل ورغم كل هذا فهي دايبه في دباديبه وبهذا تضيع الفرصه علي كل الاوفياء من الرجال في وجود اي فرصه للوصول الي قلب المراه ال(صفاره) وال(عربيه) بصفة خاصه
ملحوظه الصفاره من صنع الرقابه
احمد ربنا وابوس إيدي وش وضهر إن مراتي مبتفهمشي عربي!!!!!!!

عبدالناصر البنا
01-11-2011, 09:42 PM
يا اهل ودي تعالوا
ارضي غزتها النعال
ام الجراد النمال
ام الخيول الجمال
ام طائرات تمال
بالموت تحت الجناح
احس بان جراحي
تجري بطول الرماح
فما لهن إندمال


نبوءة الفيلسوف فؤاد حداد

عبدالناصر البنا
01-11-2011, 09:45 PM
انا؟ ثوره كلا كلا دا انا من اشد المعجبين بسيادة العريس اطال الله بقاءه!!!!انا اللي يتجوز إمي اقولله ياعمي دي مسالة مبدا يآخى ال عربي!!!!!!

عبدالناصر البنا
01-11-2011, 10:49 PM
سالت المذيعه صاحبة الصوت الذهبي المطرب صاحب الصوت الذهبي (اغمق سنه) وهو طبيب ناشيء عما يمكن ان يفيد المرضي بفنه وراح الشاب بدون وعي وقد فاجاه السؤال او لم يفهمه يستسرد في القول :اكيد ان الموسيقي لها فائده عظيمه جدا في العلاج فالمريض يمكنه ان ينوع من آهاته يعني قرار وجواب او بالنسبه لدرجة الحراره مثلا حتي لا ينزعج المريض
بدل ان نقوله إنه سخن نقول له نآآآآآآآر ذكرني هذا بصديق لي شاعر في قسم الجيولوجيا اشعاره مليئه بالحفريات وقد إشتهرت قصيدته:احزان الديناصور علي مستوي شارع ابو جبه
والشوارع المجاوره له اما صديقي طبيب العيون الذي ابدع في قصيدته الاخيره من (خلف العدسات اللاصقه) كل هذه الاشياء جعلتني اعود بالذاكره الي القصيده التي ارسلها لي الصديق (صفاره) :الفراوله بتاع الفراوله ؛كذلك وبالقياس العنب العنب العنب؛ويا بتاع التفاح هاهنا قد تفوق الخيال علي الواقع فهؤلاء المبدعون الدين كتبوا دون ان يروا لقد استطاعوا وصف الفراوله والعنب والتفاح وكانهم قد اكلوه من قبل هذا هو قمة الخيال يا عربي!!!!!!!!

عبدالناصر البنا
01-12-2011, 09:00 AM
التخاريف مع الهلوسه
يا صباح الخيييييير يا (مراتي) يا اجمل حاجه في حياتي
غير الطبيخ والذي منه قبل ان تقذف باوراقي المكتوبه باللغه العربيه الي سلة المهملات سالتني: هل بك حاجه لهؤلاء؟؟؟ هذه هي الهوامش والحواشي التي كتبت فيها تخاريف عربي يآآآآه اخيرا سوف استطيع ان اعلق التخاريف علي رصيف المقهي والتخاريف مع الهلوسه هتعمل احلي دماغ عربي!!!!!!

عبدالناصر البنا
01-12-2011, 09:16 AM
يوم حداشر اللي فات
كان عيد ميلاد
الاميره شهرزاد
الملك شهريار

نادي ع الوزير مسرور
قاله ادخل وطفي النور
قاله شايف ع الجدار
الديك بيلف وبيدور

كل يوم ع الفجر صوته
كوكوكوكو كوكوكوكو
ادبحه فورا وهاته
مشوي خليني ادوقه
ده النهارده عيد ميلاد الاميره شهرزاد
ورطه جامده للاميره شهرزاد
ازاي هتعرف الميعاد
عشان توقف الحكايه
جات قالتلي
والنبي تفكر معايا
عربي يابوالتفانين
بدل الديك بدل الديك
طاطا طين طاطاطين
يبقي مفيش غير الديك دييك ديكودير
ده جهاز بيجيب كل القنوات
ف التليفزيون
انشالله تكون
ف الهند
وياه التليكوموند
النايل سات والعربيسات
حتي الهوتبيرد
وتشغليله قناة افلام
لحد ما ينعس وينام
عشت يا عربي اهوده الكلام
واهو من يوم الديكودار مادخل الدار
والاميرشهر يار
سهران طول الليل ونايم طول النهار
والمملكه اوشكت علي الفلس والانهيار
وباين علينا مش هنلاقي حق الخيار وعربي!!!!!!!!!!

من تخاريف عربي شمس باريس

عبدالناصر البنا
01-12-2011, 10:09 AM
ياتري وياهل تري، الاميره شهرزاد موافقه علي الديكودير ولا احكيلها حكاية الساتيليت عربي!! يا عم عربي!!!!
http://sphotos.ak.fbcdn.net/hphotos-ak-ash2/hs574.ash2/149630_143636045685812_100001182531151_209900_4997 325_n.jpg

عبدالناصر البنا
01-12-2011, 10:14 AM
http://sphotos.ak.fbcdn.net/hphotos-ak-ash2/hs574.ash2/149630_143636045685812_100001182531151_209900_4997 325_n.jpghttp://sphotos.ak.fbcdn.net/hphotos-ak-ash2/hs574.ash2/149630_143636045685812_100001182531151_209900_4997 325_n.jpg
http://sphotos.ak.fbcdn.net/hphotos-ak-ash2/hs574.ash2/149630_143636045685812_100001182531151_209900_4997 325_n.jpghttp://sphotos.ak.fbcdn.net/hphotos-ak-ash2/hs574.ash2/149630_143636045685812_100001182531151_209900_4997 325_n.jpg

التيليكومند كان هنا اشوف كده يمكن يكون إتزحلق كده ولا كده؟؟؟؟؟؟؟؟ عربي!!!!!

عبدالناصر البنا
01-12-2011, 10:26 PM
ورا الشمس يا اسطي؟؟؟؟
إركب يا عربي!!!!!

من تخاريف عربي
ســـــــاتيليت عربي:ehda:إلي سمو الاميره :شهرزاد
نيبتون نيبتون نيبتون
بلوتو ياسطي؟؟
عدي الجيهه التانيه
خد اللي رايح عطارد
انزل في ميدان ابو الهول
علي شمالك علي طول
تقل حبه هناك بارد
رايح القمر ياسطي
لا اركب اللي بعده
مبوقفش ف اقاليم
صباح الخير ياعبده
ايه اخبار الملاليم
ابقي قابلني بعدين
عندي مشوار علي تحت
قول لامك بطلي فحت
دا انتو خرمتو المجره
ممكن لو سمحت
تلم لي الاجره
آسف مبتكلمش
لغه ناس المجره
ليه حضرتك من بره ؟
منين ولا مؤاخذه ؟
من ارض
ارضي؟
سيادتك ارضي؟
انا زرت ارض مره
ارض دي ام الدنيا
ومنين من ارض حضرتك؟
من حته إسمها إفريقيا
تعرفها؟
لا بصراحه مش واخد بالي
تعرف امريكا؟
آه
فين البحر الابيض ؟
اللي تحت اوروبا؟
توصل عند المحيط
تفضل ماشي طوالي
تلقاها ع الشمال
خلاص عرفتها
واعرف ناس منها
امال حضرتك منين
انا م المجره الكبري
انا سامع عنها
مش هما اللي عملو ثوره
وياريت كل المداين كات عملت زيها

احنا سمعنا ان ارض دخلت كاردون ممالك
مش برضو اللي بيملكها عيلة توت عنخ مبارك
ياخينا انا جاي نبتون علشان بس آكل عيش
ليه ارض مفيهاش عيش؟؟؟
من يوم حكموا المنايفه
والناس تعبانه وخايفه
الله يكون ف العون
كل اما يموت فرعون
ييجي مكانه فرعون
نبتووون نبتوون نبتوووووووون

ورا الشمس يا اسطي؟؟؟؟
إركب يا عربي!!!!!

ذكرى لعيبي
01-13-2011, 08:22 AM
حين كانت تحاصرني تلك الوجوه ،
تلك العيون الجاحظة ،
تلك الأصوات اللئيمة المتشبعة بالكذب
كنت أضحك كثيراً
لكن في سرّي كنت أبكي كثيراً

عبدالناصر البنا
01-13-2011, 08:54 AM
الحلم العربي والحلم الاميريكي هل تحقق الحلم الاميريكي حلم المساواه والعدل
بولاية اوباما؟؟ ربما لا ادري!
لكن اللي انا متاكد منه ان الحلم العربي حقق اكبر نسبة مبيعات لشرائط الكاسيت
حتي اليوم (جميل جدا هذا العمل خصوصا: جايز جايز جايز) هيه آدينا لسه مستنظرين:جايز
يتحقق الحلم الــــــ عربي!!!!!

عبدالناصر البنا
01-13-2011, 09:14 AM
صباح الخير قبل ما تصحي (مذيعة التليفزيون) وقد بدات الامطار تهدا حدتها هذا الصباح عن العاصمة الفرنسيه وضواحيها مع بداية تخفيضات الاسعار الشتويه (sold)بعد اعياد النويل يعني الماهيه كده كده رايحه وكل سنه وإنت طيب يا عربي!!!!!!

عبدالناصر البنا
01-13-2011, 10:03 AM
انا اسمي عربي عايش ورا الشمس لكن ان اصلا من ارض وما زلت احمل الجنسيه الارضيه اخواتي كلهم مازالوا في ارض اهاتفهم من حين لآخر لكنهم عمرهم ما كلفوا خاطرهم وكلموني وعندما اخبرتني (مراتي) ان هناك مكالمه لي من ارض لم اكد اصدق اذني ارض بتكلم عربي ::::::::::آلو اخويا حبيبي :::ايوه يا عربي بقولك ايه فيه واحد صاحبي جاي زياره عندك ورا الشمس هيوصل في ساتيليت الساعه إتناشر عايزك بس تروح تستقبله وخللي بالك ياعربي ده مش بس صاحبي ده اكتر من اخويا فاهم اكتر من اخويا ::::طبعا فاهم إنه اكتر من اخوك
ايييييييه!!!!!انا ارضي وابويا ارضي وسماري ولوني ارضي وكل ارضي الله عليه وكل ارضي اللآآآآآآآآه عليه وعربي!!!!!!!!!

عبدالعليم حريص
01-13-2011, 10:54 AM
وينك يا راجل وين بتاع الفرولة
يامجنناهم...

عبدالعليم حريص
01-13-2011, 12:48 PM
شوفت البلاغة في قول الشاعر:
ادحرج واجري
يا رمان
وتعالى على حجري
يا رمان

يا سلام دي بقِت عنب

عبدالناصر البنا
01-13-2011, 10:19 PM
شوفت البلاغة في قول الشاعر:
ادحرج واجري
يا رمان
وتعالى على حجري
يا رمان

يا سلام دي بقِت عنب
ويضرب به المثل عند علماء العروض لبحر المحدث الذي ادخله بن الاخفش علي بحور الخليل:
ادحرج واجري يا رمان:فعلن فعلن فعلن فع
وتعالي علي حجري زي زمان:فعلن فعلن فعلن فع
اصل الكلام عربي!!!!!!:woow::woow::woow:

عبدالناصر البنا
01-13-2011, 11:06 PM
إلي صديقي الشاعر عبدالعليم حريص مع خالص ودي :

بريزه علي حسب

لما دخت وزادت دوختي
قامو وصفولي حماده ابن اختي
بصراحه لما شاف حالي قاللي يا خالي
انا بريزه
عايز حاجه محتاج حاجه
انت تاشر تلقاها قوام ع الترابيزه
بصراحه عايز تليفون
تالافون ايه ?
اصل التالافون هنا علي حسب
تالافون بيت ;تالافون محمول???
قلتله محمول
رد المحمول هنا علي حسب
نوكيا; اريكسون, مايكل جاكسون?
ياعم نوكيا
قال ان النوكيا علي حسب
فيه راديون; فيه تالافازيون ?
بس بكام ???
قاللي بكام دي بالذات علي حسب
مين اللي هيدفع؟؟؟؟؟
،ورفع سماعة التليفون
الو ياجون عايز تليفون
نوكيا لخالي
اصله ياسيدي جاي من فرنسا
المانيا ايه ولا ايطاليا???
عارف هولنده ?جنب النمسا ; المطحونه ف جنوب افريقيا ??
آهي دي فرنسا!!!
قشر ياخالي دا اني بريزه
تلقي الطلب ع الترابيزه
عايز آكل فول
تاكل فول؟ فول ايه؟ اصل الفول هنا علي حسب
فول حراتي فول سوداني؛
مدمس؟ المدمس هنا علي حسب
زيت حار طحينه ؟؟؟؟
عايزين نسافر اسكندريه
تسافر بايه قللي علي حسب
عايز حمار? عايز عايز عربيه ?
لا عايز قطر
عن اذنك لحظه التلفون
الو يا جون عايزين قطر لاسكندريه
كمان ساعه ?
لا ده خالي
اصل ياسيدي عايش ف فرنسا
لا المانيا ايه ولا ايطاليا
عارف هولنده ?
تحت النمسا!!!
المعجونه ف جنوب افريقيا
وقفلنا هنا ف العزبه
شارع ابوجبه
لما توصل هنا زمرلي
عايزين شقه ?جنب البحر??
بحر ايه? اصل البحر هنا علي حسب
فيه ع الاحمر فيه ع الابيض
ياعم خلاص
انا زهقت
عايز اسافر شوفلنا طيران???
طيران إيه؟؟
اصل الطيران هنا علي حسب
فيه فانتوم فيه ميراچ فيه ساتيليت!!!!!!!
مالك ياخال مالك يا: : : عربي!!!!

عبدالناصر البنا
01-14-2011, 10:35 AM
صبا ح الخير قبل ماتصحي ::::::المذيعه
كلام بن هشام
هل يمكن ان تدخل الالف واللام علي الفعل المضارع؟؟؟؟؟
آه ممكن ، بس هيبقي شكلها وحش جدا شبه نانسي عجرم قبل ما تعمل عمليات التجميل:
ما انت بالحكم الترضي حكومته
ولا الاصيل ولا ذي الراي والجدل
هذا كلام الفرذدق همام بن غالب من فحول شعراء الدوله الامويه قاله في هجاء رجل من بني عذره ،كان قد فضل جريرا علي كل من الفرذدق والاخطل في مجلس الخليفه عبد الملك بن مروان والمعني:يقول لمن يهجوه ذاما إنك لست بمن يحكمه الناس ويرضون بحكمه ولا انت بذي حسب ترجع إليه ويردعك عن الجور ولا انت بذي فلج في الخصومه
قال الجرجاني ما معناه:إن إستعمال مثل ذلك في النثر خطا بإجماع اي:انه لا يقاس عليه و(ال) في ذلك إسم موصول بمعني الذي

برجاء عدم إتخاذ هذا البيت حجه لإدخال الالف واللام عمال علي بطال علي كل الافعال كان نقول اليحب تاكل إيه؟؛التمشي ولا جيبلك البوليس ؛الخلي بالك يقفشوك في المترو اليشوفو شكلك عربي!!!!!!!

عبدالناصر البنا
01-14-2011, 11:06 PM
تابع كلام بن هشام
هل يمكن ان يدخل حرف النداء علي ما ليس بإسم؟؟؟؟
المتفق عليه ان حرف النداء يدخل علي الإسم
(يأيها النبي) الاحزاب؛(ينوح اهبط) هود،(يلوط إنا رسل ربك)هود؛ فما رايكم في (الا يا اسجدوا لله)النمل،وقوله تعالي( يليتنا نرد)الانعام؛وقوله عليه الصلاة والسلام:( يارب كاسية في الدنيا عارية يوم القيامه) فدخل حرف النداء فيهن علي ما ليس باسم
وقد اختلف في ذلك ونحوه علي مذهبين:
اولهما :ان المنادي محذوف ،اي يا هؤلاء اسجدوا ،وياقوم ليتنا،
والثاني:ان يا فيهن للتنبيه ،لا للنداء
امثله:دخول حرف النداء علي فعل الامرقول الشاعر:
الا يا اسلمي يا دار مي علي البلي ولازال منهلا بجرعاتك القطر
ومثل الحديث في دخول حرف النداء علي الحرف:
يا ليتني وانت يالميس في بلدة ليس بها انيس
ونظير ذلك في قول جرير:
يا حبذا جبل الريان من جبل وحبذا ساكن الريان من كان
وقول الفرذدق:
يا ارغم الله انفا انت حامله ياذا الخني ومقال الزور والخطل
وقول آخر
يا لعنة الله والاقوام كلهم والصالحين علي سمعان من جار
هذا مقام بن هشام ويا سلام يا سلام
وياتري ويا هل تري (هذه امثله اخري فاتت علينا) بس مافاتتشي عليك يا::::::::عربي!!!!

عبدالعليم حريص
01-15-2011, 01:22 AM
يا خوفي يا بدران ده يكون آخر عشا

دعني أحييك أستاذنا
فلم يخني فيك حدثي حين نعتكَ يوماً (وأنت تتهرب من ورا الإدارة العليا)
بأنك إمام المهلوسين
وها أنت تفتح نافذة من نور
تحياتي لك ولتخاريفك وهلوستك فما أحوجنا هذه الأيام لها
وأخيراً

ياللي ع الترعة حود ع المالح

عبدالعليم حريص
01-15-2011, 01:23 AM
وما زال بتاع الفرولة مجننهم

عبدالعليم حريص
01-15-2011, 01:28 AM
هل تعلم أخي المهلوس
أني بهذه المشاركة أتممت الألف مشاركة عقبالك لما نشيل عنك النجوم ونضعك خلف القضبان
وخد عندك..
سجنم حبيبي
وعملوني عليه سجان

عبدالناصر البنا
01-15-2011, 03:07 PM
صباح الخير (قبل ما تصحي مراتي)
وحتي لو تصحي النهارده السبت يعني الويك إند
اولا اهنيء نفسي علي وجودي بينكم وعلي هذا الكرم العظيم الذي اوليتموني به الشاعره اسماء القاسمي وصديقي
الشاعر عبدالعليم والشعب العربي التونسي الذي ابهج قلبي بتحقيقه لحلم الشاعر ابي القاسم الشابي:
إذا الشعب يوما اراد الحياه فلابد ان يستجيب القدر
إنها ثورة الشعب لا ثورة العساكر ولا انتفاضة حراميه كما وصفها الملك توت عنخ سادات عن ثورة 18،19 يناير التي قام بها شعب ارض من قبل والذي يعلم الآن ان مصيره في قبضته وان نومته قد طالت وانه قد آن الاوان للقيد ان ينكسر تحيه لابناء تونس الشعب ال::::::عربي!!!!

عبدالناصر البنا
01-15-2011, 03:12 PM
هل تعلم أخي المهلوس
أني بهذه المشاركة أتممت الألف مشاركة عقبالك لما نشيل عنك النجوم ونضعك خلف القضبان
وخد عندك..
سجنم حبيبي
وعملوني عليه سجان
وعقبال الالف وواحد واتشرف انا بان تكون معي ايضا؛
وتبقي آلف مشاركه ومشاركه:hey::hey::hey::hey:

عبدالعليم حريص
01-15-2011, 03:51 PM
الجميل عبدالناصر
صباحك سكر قبل ما تصحى الإدارة العليا
لا أعتقد باننا سنكون سويًّا
فحتى في السجن فيه فيرست كلاس
وبريمو وسبنسه
حلو سبنسه دي

عبدالعليم حريص
01-15-2011, 06:53 PM
المستشار عبدالناصر
لا أدري الوسام الذي حصلت عليه
هل هو مشتق من زنبة أم من زنوبة
برجاء النظر في الموضوع
يا عمي النجوم كانت أسهل نقيب نقيب
أحسن من رئيس
لأن الرؤساء اليومين دول ما بقوش يطمنوا
ونتواصل

عبدالناصر البنا
01-16-2011, 02:33 AM
صديقي عبد العليم اهنئك بالوسام الثالث الذي تستحقه بجداره من كل قلبي واحب اطمنك ان زنوبيا دي ملكه عظيمه من ملكات سوريا الجميلات واشتهرت بالاسنان اللولي وهاهي ذي نبذه مختصره عن زنوبيا؛
صفات زنوبيا
كانت الملكة زنوبيا السورية قد إشتهرت بجمالها وولعها بالصيد والقنص، قيل عنها: أنها كانت ذات رأي وحكمة وعقل وسياسة ودقة نظر وفروسية وشدة بأس وجمال فائق. كانت إمراه حسناء بشرتها قد لوحتها شمس الصحراء يلقبونها بالزباء وسميت كذلك لطول وغزارة شعرها. عيونها سوداء لامعة تزينهما أهداب سوداء طويله. على وجهها ابتسامه ودائمة الضحك واسنانها بيضاء. إعتقدت نساء روما بأنها زرعت اللؤلؤ بدلا عن الأسنان. صوتها قوي وكلامها ملحن. فعاشت بعظمة ملوكية مقلدة ملوك الأكاسرة، فكانت تضع العمامة على رأسها وتلبس ثوباً أرجوانياً مرصعاً بالجواهر وكثيراً ماكانت تترك ذراعها مكشوفة. تحب القنص والمبارزه بالسيف وكذلك شرب النبيذ وأحاديث الطرفه والعلم. بإمكانها أن تسير حافية تحت الشمس 4 أميال. تتحدث بخمس لغات وتثقفت بالثقافة الهيلينية، وكانت تتكلم الآرامية (اللغة السورية القديمه) واللاتينية (الرومانية) والإغريقية والقبطية. قالت كهنة العرب واليونان بأن أبوللو منحها السلطه الالهيه المطلقه لتقود شعوب الشرق إلى التحرر من نير الفرس والروم. بالإضافة الي العنصره أو المقدره على التحدث بلغات شتى) ان شخصية لامعه ك cورنيليوس cاپيتولينوس جعله يعلن: أنبل نساء الشرق على الإطلاق وأجملهن هي الملكة زنوبيا.
في عمر مبكر (10 ء12) سنه ستقوم زنوبيا بانجاز يقرب من الاعجاز: ألفت مجمع الشرق الكبير، أرخت فيه تاريخ الشرق وآسيا. إضافه إلى الثقافات واللغات المتنوعه التي يحظى بها، لن تكتفي زنوبيا بكتابته باليونانية بل ستترجمه لاحقا إلى اللاتينية.. وكردة فعل على هذا العمل النفيس فان مؤرخا لامعا ك خاللينيكوس البترائي سيقوم بتأليف مجلد التي يقصد بها (حصريا) الملكة السورية زنوبيا أهم ملكات الشرق.

يعني لو كانت نانسي عجرم تعلم انها حفيدة زنوبيا مكانتش عملت ولا عمليه تجميل بالذات لو كان طبيب التجميل؛؛؛عربي!!!!

عبدالعليم حريص
01-16-2011, 05:41 AM
يا أخي ده أنا فرحت فاكرها عراقية.
زعلتني يا عربي
وما تقولي
أطبطب وادلع

عبدالعليم حريص
01-16-2011, 09:26 AM
اسكت يا عربي
مش طلعت زنوبيا دي علشان كتاب سير صدانا
وأنا فرحت وقولت أخيراً تحقق الحلم لما وجدتها عند كل المشاركين
وبحثت عنك فلم أجد لك سيرة ذاتية
قولت طيب لما هو كده ما ينفعش يحطوا وسام للمخرفين أمثالنا
حاجة بلاش كده وأبو بلاش كثر منه ..ومن أمثاله..
صدقني يا عربي زعلت ورميت كوب الشاي من إيدي لما اكتشفت انه ما فيش سكر وسبت البوتجاز مولع على براد الشاي قولت أما أعذبه زي ما عذبني وما قاليش أنه ما فيه سكر...
والغربية يا ابو العرب اننا بنقول براد الشاي وهو بيسخن الماء
خليها في سرك وأنا خلاص فصلت شحن ولازم أروح أشوف المخدة اللعينة شو بتريد
وسلملي على تخاريفك
ههههههههه

عبدالناصر البنا
01-16-2011, 08:29 PM
شكرا لحبك وتقديرك صديقي الحبيب انا مزعلتش علي زنوبيا انا زعلت منها اما عن سيرتي الذاتيه فانا لا اجيب عنها سيره فيكفي ان اقول عن نفسي إني عربي وما اثقله من عبء ياصديقي عربي قد وضع الماء في الزمزميه والوطن في كراسته الالزاميه عربي الذي يضحك حتي البكاء ووصيتي إن مت ان يكتب علي قبره عاش عربيا ومات عربيا وهذا هو وسامي،ماعندكوش وسام عربي!!!!

عبدالناصر البنا
01-16-2011, 08:43 PM
انا تونسي من الآن وصاعدا لن اتسلل من ورا(مراتي) للدخول للمنتدي الثقافي فلقد اخبرتها إنني مش بس عربي لا انا تونسي
وعشان كده لازم تعمللي الف حساب شكرا للشعب التونسي ال::::::عربي

عبدالناصر البنا
01-16-2011, 09:59 PM
السيره الذاتيه
عنما علم عربي انهم في صدانا يقدمون وسام زنوبيا لاصحاب السيره الذاتيه فقد اسرع بكتابة سيرته الذاتيه ولما كان اخونا العربي متسرعا فلقد كان في كل مره يذكر شيئا وينسي شيئا ولذلك فسوف اعرض لكم المحاولات الثلاثه كما كتبها:المحاوله الاولي:
الاسم: عبناصر
السن: مش فاكر
المهنه :قول شاعر
عنواني: ف الآخر
وبالطبع فان لجنة توزيع الاوسمه ارسلت إعتذارها لعدم إمكانية التعرف عليه فاسرع بارسال الرساله التاليه:
الاسم عبناصر ونقبتي البنا
السن مش فاكر ؛لافاكر إستني
المهنه قول شاعر وبشعره يتغني
عنوانه ف الآخر موردش علي جنه
نفس الرد ارسل محاولتك الاخيره فاسرع بكتابة رسالتهالاخيره:
الاسم عبناصر ونقبته البنا وابويا الشيخ براهيم
السن مش فاكر لا فاكر إستني عمر الشقا والضيم
المهنه قول شاعر وبشعره يتغني الفقرا والمظاليم
عنوانه ف الآخر موردش علي جنه إلا اللي قلبه سليم
معذرة لقد نفذت كل محاولاتك حاول السنه الجايه
ما احنا عارفينك من الاول يا::::::عربي!!!!:mad::mad::mad:

عبدالعليم حريص
01-17-2011, 02:27 AM
بدران
أهديك قول الشاعر:

زحلقنى الصابون فى الطرقة
من كتر البعاد والفرقة

عبدالعليم حريص
01-17-2011, 02:48 AM
شفت يا عربي اللي حصل:
سألوا واحد عربي بجد مش أنت..
قالولوا إنتوا ليه بتحلفوا كتير..؟

قال: طب والله العظيم دى إشاعه

قسماً بالله ده افترى

والمصحف ما صحيح

وعهد الله ده ظلم

وربنا احنا مش كده.

عبدالعليم حريص
01-17-2011, 02:52 AM
شفت يا عربي
مثقف ركب الطياره فقال للمضيفه

This is no talking, I student one tea from clock.

بالعربي: ده مش كلام أنا طالب واحد شاى من ساعه

عبدالناصر البنا
01-17-2011, 09:53 AM
كلا كلا كلا
كلا في العربيه علي ثلاث اوجه: حرف ردع وزجر، وبمعني حقا، وبمعني إي:
{كلا إن الإنسان ليطغي}وقد اعترض علي ذلك بان حقا تفتح ان بعدها وكذلك الا التي بمعناها:
احقا ان جيرتنا استقلوا فنيتنا ونيتهم فريق
وكما في قول الشاعر:
الا ابلغ بني خلف رسولا احقا ان اخطلكم هجاني
وهنا يمكن تفسير كلا بمعني الا{الا ان اولياء الله لا خوف عليهم}
بعد القسم: {كلا والقمر} ومعناه اي والقمر
وكذلك يمكن ان تكون فقط بمعني الا:يقول الشاعر
ولقد امر علي اللئيم يسبني فمضيت ثمت قلت لا يعنيني
والسؤال الآن هل يوجد (كلا) في هذا البيت
والجواب الصحيح هو:كلا
وهذا مالم يذكره بن هشام فهي ايضا بمعني لا النافيه وهدا كلام عربي!!!!

عبدالناصر البنا
01-17-2011, 10:04 AM
شفت يا عربي
مثقف ركب الطياره فقال للمضيفه

This is no talking, I student one tea from clock.

بالعربي: ده مش كلام أنا طالب واحد شاى من ساعه

ce n est pas etudient je demende un the d une mountre
مع الاعتدار للاستاذ يونس الاشهب والاستاذ نزار سرطاوي
كده ناقص الترجمه الاسباني ونلحق نقدمها مع كتاب صدانا قبل آخر الشهر تعرف حد ف مدريد؟؟؟؟

عبدالناصر البنا
01-17-2011, 10:04 PM
ما اشربش الشاي اشرب كازوزه انا الاغنيه التي ضيعت جدي لاشك ان ارض هي مهد الحضاره في هذ الكون فنحن الارضيون وفي عهد الملك توت عنخ مبارك وصلت الانترنت الي جميع القري والنجوع وكانوا يحفرون لكابلات النت قبل ان يحفروا للصرف الصحي(المجاري) اما عن التليفون المحمول وهو احد وسائل الاتصال في تلك الحقبه قبل إختراع الاذن الالكترونيه ولقد كان محرما علي جميع ابناألشعب استعمال المحمول اثناء قيادته للحمار وكانت رخصه الحمار في هذا العهد بالنقاط (عشر نقاط) ولق نفذت من عند احد اجدادي مره واحده فلقد التقطته احد عدسات الرادار وهو يقود بغلته بدون تامين(نقطتان) وهو يتكلم في المحمول(نقطتان) ومش رابط اللجام( نقطتان )واثناءنفخه في انبوبة الاختبار اتضح ارتفاع نسبة الكوك كاكولا في الدم الي ثمان شرطات كده اربع نقاط وراحت عليك الرخصه يا جدو يعني كان ماله الشاي يا بو ال عربي!!!! :mad::mad::mad:

عبدالناصر البنا
01-17-2011, 11:10 PM
والكلام لابن هشام: الفعل اما ماض ؛وهو ما يقبل تاء التانيث الساكنه كقامت وقعدت ومنه نعم وبئس وعسي وليس إزاي الكلام ده؟؟ نعم وبئس وعسي وليس افعال ماضيه؟؟؟ خد عندك
نعمت جزاء المتقين الجنة دار الامان والمني والمنة
وكان نقول: ليست هند ظلمه فعست ان تفلح وقول الرسول الكريم
(من توضا يوم الجمعه فبها ونعمت) جميعها اتصلت بالتاء فهي افعال ماضيه
اما الفعل المضارع فهو مايقبل لم ك: لم يقم وافتتاحه بحرف من (نــــأيــــــت) :نفعل ؛افعل؛يفعل؛تفعل
وعلامة الامرمجموع احدين لابد منهما ان يدل علي الطلب والثاني ان يقبل ياء المخاطبه{وكلي واشربي وقري عينا}
ومنه هات بكسر التاء و تعال بفتح اللام خلافا للزمخشري في زعمه انهما من اسماء الافعال ولنا انهما يدلان علي الطلب ويقبلان الياء: هات واحد شاي وهاتي إيدك ابوسها وهات الخنزيره يا وله ولا مؤاخذه ده مش كلام ابن هشام ده الوله عربي!!!!!!!

عبدالعليم حريص
01-18-2011, 01:35 AM
كلام جميل كلام معقول ما أدرش أقول حاجة عنه
لكن خيال حبيبي المجهول مش لقيا فيك حاجة منه

عبدالعليم حريص
01-18-2011, 05:48 AM
عربي طبعاً انت بقالك فترة مهاجر وما تدري ما فعل التوكتوك
خد دي
-----------------------
لو عايز تروح القمر ومعاكش غير جنيه تعمل ايه؟
؟
؟
؟
؟
تعمل مصيبه توديك ورا الشمس
ومن هناك تاخد توكتوك بجنيه للقمر

عبدالناصر البنا
01-18-2011, 10:14 AM
انت بتهزر ما انت عارف ان اخوك ورا الشمس ومن زمان !مقالوليش علي حكاية التوك توك دي !!!مع اني نفسي اروح القمر! بس لازم يكون قمر عربي!!!!

عبدالناصر البنا
01-18-2011, 10:32 AM
يرجع مرجوعنا للكلام عن بن هشام
وفعل الامر تعال وهات(تعالي و هاتي) يقول الشاعر:
إذا قلت هاتي نوليني تمايلت علي هضيم الكشح ريا المخلخل
والعامه تقول تعالي بكسر اللام والصواب الفتح كما يقال اخشي واسعي فلو لم تدل الكلمه علي الطلب وقبلت ياء المخاطبه ؛نحو (تقومين وتقعدين) او دلت علي الطلب ولم تقبل ياء المخاطبه نحو:( نزال ياهند) بمعني إنزلي فليست بفعل امر
كده الامر طب والمضارع؟؟؟
خلييها بعدين إحنا لسه الصبح يا عربي!!!!

عبدالعليم حريص
01-18-2011, 09:47 PM
ترجع لموضوع ابن هشام
مين ابن هشام ده هو مالوش اسم

وخلي بالك أنت وراجع لتخبط في التوكتوك اللي وراك
ههههههه

عبدالناصر البنا
01-18-2011, 10:12 PM
ونعت النكره إذا تقدم عليها انتصب علي الحال

علامة المضارع كما قلنا ان يقبل (لم) كقولك لم يقم و لم يقعد (معرفش عملها إزاي يمكن كان نايم)
ولابد من كونه مفتتحا بحرف من احرف (نايت) نحو :نقوم اقوم يقوم تقوم(كفايه نوم) ويجب فتح هذه الاحرف اذا كان الماضي غير رباعي سواء نقص عنها او زاد عليها سواء كان كله اصول مثل رفرف يرفرف و دحرج يدحرج واما ان احد احرفه زائدا مثل: اجاب اناب يجيب ينيب وكذا كل كلمه احرفها اربعه لا غير واول تلك الاربعة الهمزه فاحكم بانها زائده مثل احمد وإصبع وإثمد ومن امثلة المضارع قول الله تعالي{لم يلد ولم يولد ولم يكن له كفوا احد} ولم حرف جزم لنفي المضارع وقلبه ماضيا وفي الفعل الاول يلد ضمير مستتر مرفوع علي الفاعليه وفي الفعل الثاني (يولد) ضمير مستتر مرفوع لنيابته مناب الفاعل ولا ضمير في الثالث (يكن) لانه قد رفع الظاهر وهو احد (إسم يكن) ونصب الخبر(كفوا) ويجوز ان( كفوا) حالا علي انه في الاصل صفه لاحد ونعت النكره إذا تقدم عليها انتصب علي الحال فاهم ياعربي نعت النكره إيه ؟ إذا تقدم عليها إيه؟ يبقي حال ياعربي!!!!

عبدالناصر البنا
01-18-2011, 10:37 PM
يعني الصفه النكره متتقدمش علي الموصوف ياعربي والا تصبح حالا:
لمية موحشا طلل يلوج كانه خلل
لمية:جار ومجرور (خبر مقدم)؛موحشا :حال تقدم علي صاحبه؛طلل:مبتدا مؤخر؛يلوح: فعل مضارع والفاعل ضمير مستتر تقديره هو والجمله في محل رفع صفه لطلل ؛كانه :كأن حرف تشبيه ونصب والهاء اسمه ؛خلل خبر كأن والجمله في محل رفع صفه ثاني لطلل
كل ده إعراب في جمله واحده آه يادماغك ياعربي!!!!

عبدالناصر البنا
01-18-2011, 10:40 PM
بقوللك إيه إحنا هنرجع تاني للتخاريف إمتي! انا دماغي وجعني منك إنت وابن هشام!ياعربي!!!!

عبدالناصر البنا
01-18-2011, 10:45 PM
ترجع لموضوع ابن هشام
مين ابن هشام ده هو مالوش اسم

وخلي بالك أنت وراجع لتخبط في التوكتوك اللي وراك
ههههههه

لا بسيطه بن هشام ده هو الامام ابي محمد عبدالله جمال الدين بن يوسف بن احمد بن عبدالله بن هشام الانصاري المصري !!!واخد بالك ياعربي!!!!

عبدالناصر البنا
01-18-2011, 11:47 PM
السلطان قال للحراس هشوا الدبان خلوني آرتاح من وجع الراس
هبوا الجدعان شبوا الشبان ماحناش دبان احنا الطوفان تحتنا تنداس
فذ السلطان ويا مراته لملم خلجاته ودهباته واتسحب بعد ما نامو الناس
دقت اجراس الحريه قوم ياحسين قوم قول لبهيه المره الجايه علي الخناس
زا ما ف فرقتنا ف الارض شتات عمال تلهفها تبات ونبات حتي وانت ف آخر الانفاس
...جاي دورك جاي دورك بس اياك تهرب بالكاس!!!!!!

ده الكاس عربي!!!!

عبدالناصر البنا
01-19-2011, 09:08 AM
كلام فارغ

بعد ان اندلعت الحريق في بلاد تونس إجتمع الامير عره بن السلطان مع كافة الحوش والخلان ليتدبروا امر البلاد وليعرف منهم إذا كان الميعاد فات ولا مافات قال قليل الذمه بن قليل الذوق وكان يرتدي بوتا جديدا اشتراه من السولد(التخفيض) انه قد اصدر قرارا بمنع تداول الكبريت وانه قد بدا بتوزيع بطانيات صوف خروف اصلي علي كافة المواطنين (علشان يسخنوا الاكل ده لو كان فيه)
وقال ان إحتمال قيام المصريين باي مظاهرات يعتبر (كلام فارغ) هو احنا خلينا فيهم حيل يا ريس عره!!!!! وكانت ورده تغني مالي انا مالي وانامالي :::صحي النوم يا عربي!!!!

عبدالناصر البنا
01-19-2011, 09:53 PM
إهداء الي روح الشهيد المصري الذي اشعل النار في نفسه لكن النار لم تشعل نارا
في كل مره
تسلم الجره
عملوها بره
وقراناها في الجرنال
وصيتك يا عبد العال
ان تذهب عند البقال
وتقوله بيقول لك خال
هل يباع آلمال بالمال؟
عبد العال كان صول في الجيش
يعيش علي جوز الملاطيش
صحن الفول وحبة عيش
والحاجه مش عايزه سؤال
وصيتك يا عبد العال
بكم يباع المال بالمال
الفرخة باضت في البيت
والبيضة فقست كتاكيت
في الليل ينام العفريت
علي ضوء النجم الجوال
وصيتك يا عبد العال
بكم يباع المال بالمال
زوقناها العروسه
ركبناها المحروسه
جلست وحدها في الكوشه
تضرب اخماس باسدال
وصيتك يا عبد العال
وهل يباع المال بالمال

عبدالناصر البنا
01-19-2011, 11:42 PM
الشعر خيال وجمال يحكمه عقل
هذا ليس كلامي ولكنه خلاصة ماتعلمناه
ولقد قرات في الآونه الاخيره كثيرا من الخطب السياسيه التي ادرجت تحت عناوين الشعر ونالت إستحسانا:mad: كبيرا من مبدعي صدانا ربما لتوفر المناخ العاطفي المهيأ لإستقبال مثل هذه الكلمات وانا بصراحه قد اصابتني غيره شديده من هذا الاستحسان الذي قابله في نفس الوقت تجاهل تام لما كتبته انا بعفويه الشعراء
ولا ان يعني عشان معنديش وسام عربي!!!!:mad::mad::mad::mad:

عبدالناصر البنا
01-20-2011, 09:21 AM
النهارده إمبارح بكره
فاهم ولا تاخد لك فكره؟
واللي ميبقاش عنده امبارح
عمره مايبقي عنده بكره
وخلاصه الكلام
عيب يابن الاصول
لما الليل يطول
وانت ف الاحلام
والدنيا لقدام
وانت مالكش بكره
فاهم ولا تاخد لك فكره
ف بلاد الهند الحرير
بيصنعوا منه الطراطير
والافريكاني
واقف مكاني
شايف اخواني
بياكلوا الفطير
ومنامي ملهوش تفسير
اصل الحكومه
ماسكالي شومه
والشرطه ـخانه
راحت ماسكانه
راحت دابحانه
بره السلخانه
واندفن سرك ف بير
يا بلطجيه
يا با الطاجبه
سرجوها ليه
وجالولي عند المدير
انا النهارده امبارح انا النهارده ما فيش انا انسرجت امبارح
انا ليا بكره ماليش

عبدالناصر البنا
01-20-2011, 09:02 PM
فواتير الفيسبوك
قرانا ان الفيس بوك سوف يكون مدفوعا اي غير مجاني من بدايةشهر مارس لهذا فقد اجتمع عربي واخوته اجتماعا طارئا لمعرفة كيف يواجهون هذه المشكله التي لم تكن في الحسبان واقترحت عليهم ان نجعل الفيسبوك مشتركا بيننا ونعمل له موتور تحت وزرار في كل شقه لاشعاله وقت الاستعمال
وف الآخر علينا ان نتقاسم الفاتوره الجديده ويبدو اننا من اول مارس سوف نعود للخناقات بتاع زمان
إطفي الموتور اللي شغال ع الفاضي يا عربي ؛إنتواللي مشغلينه انا جوزي نايم من بدري(دي مراتي
اتعلمت شوية كلام عربي وكل شويه تقول:ايه ايه ايه يآلدلعدي )
والله الواحد مش عارف يلاحقها منين ولا منين فواتير الميه والكهربا والفيس امال لما ندخل المجاري هنعمل ايه بس ياعربي!!!!

عبدالناصر البنا
01-21-2011, 12:13 AM
في ذكري الحرب العراقيه للبحث عن الاسلحه الفتاكه(كالبترول وخلافه)
اجلس في المقهي مستنظر واحد قهوه يا عم اسكندروحياة ابوك زودلي السكر القهوه دي طعمها متغير ليه ياعم مزودتش سكر قاللي زياده وسكر عنبر حلقك بقه هوه اللي ممرر اجلس في المقهي
اقرا ف الصحف اليوميه واشم روايح طعميه اتمشي لحد الكاوليه واقف ع الكوبري المتكسر انظر علي بغداد واتحسر علي حال الامه العربيه اجلس في المقهي
وبخاف من ايها عربيه لحسن ينزل حد عليا بمسدس تحت الجلابيه اقف مكاني وانا متسمر اجلس في المقهي اجلس ف المقهي مش هقدر تصلبني حتي رجليـــــــا ياسلام ع الوحده العربيه
يا عربي!!!!!

عبدالناصر البنا
01-21-2011, 08:54 AM
السلام عليكم جمعه مباركه
يقول بن هشام
لا وحياة والدك بلاش بن هشام انت مش سامع الهيصه؟
الناس كده تحب تسمع اللي علي كيفها خلاص بلاش بن هشام
خلينا مع الهيصه والفرق بين قناة الجزيره والشعراء ان الجزيره تتابع الحدث الذي يهم الناس وبذلك تضمن اكبر عدد من المشاهدين اما الشعراء فانهم لا يملكون الا مشاعرهم التي تقودهم الي حيثما ارادت اما عن هؤلاء الذين يسيرون وراء الحدث فإنهم من اتباع العروسه وهيصه هيصه عند العروسه هيصه ؛بقولك إيه انت قلتلي ايه عن بن هشام؟
لا اصل النهارده عيد ميلاد هشام هتبقي تيجي يا عربي!!!!

عبدالناصر البنا
01-21-2011, 09:21 AM
كتبت صديقتي علي صفحتها الخاصه :مرات البواب قالت لي ما تطلعيش صاحبتك ماتت!!!!!!!
ولقد كانت كل التعليقات التي تلقتها من الاصدقاء قد راحت تواسيها وتعزيها اما انا فلقد توقفت كثيرا عند مرات البواب واكثر عند ماتتطلعيش
إن ابسط مبادئ الحريه هي المساواه (لا فرق بين عربي ولا اعجمي) كيف يمكن ان تنعت إمراه علي انها (مرات البواب او مرات الباشا) كيف يمكن ان نسمح لانفسنا ونحن دعاة الاسلام ان نتحدث بهذه الطريقه عن بعضنا البعض فيكون هذا ابن الحلاق وتلك بنت السواق اي تفرقة اي عنصريه تلك التي نتحدث بها هنا يسمون مثل هذا الرجل تماما:مدير المنزل وزوجته لا يقال لها زوجة مدير المنزل ولكن هو له كيان وهي لها كيان آخر
ثانيا:ماتطلعيش!!!!!إهربي بجلدك؟ ماتت صديقتك افلا عزاء؟ اولم يكن هذا دافعا اقوي لان تطلع تعزي والديها كلنا ميتون فمن اي شئ تهربين؟؟؟ لقد صدمت صديقتي مره وصدمت انا ثلاث مرات وعربي!!!!

عبدالناصر البنا
01-21-2011, 10:28 AM
مابين الفصحي والعامية إحترت يا قلبي!
ولا يقدر ع القوي إلا الشديد القوي إذا نطقناها كما هي مكتوبه فانها لا تختلف كثيرا فيما عدا (علي) عن الفصحي ولكننا ننطق القاف الفا فنقول: ولا يأدر ع الأوي إلا الشديد الأوي ولاشك انه لا افخم ولا اجمل من لغتنا العربيه التي نعتز بها جميعا
يقول الشاعر
قالوا كلامك هندا وهي مصغية يشفيك؟ قلت:صحيح ذاك لو كانا
ويقول الاخطل:
لا يعجبنك من خطيب خطبه حتي يكون مع الكلام اصيلا
ان الكلام لفي الفؤاد وانما جعل اللسان علي الفؤاد دليلا
يعني احلي كلام هو كلام القلب يا عربي!!!!

عبدالناصر البنا
01-21-2011, 10:52 AM
الرمز او الاشاره
قال تعالي{ء ايتك الا تكلم الناس ثلثة أيام إلا رمزا}[آل عمران]
فاستثني الرمز من الكلام ؛يقول الشاعر:
اشارت بطرف العين خيفة اهلها إشارة محزون ولم تتكلم
فايقنت ان الطرف قد قال مرحبا واهلا وسهلا بالحبيب المتيم
اكيد ده عمرو بن ابي ربيعه، الا قل لهند !
الا قل لهند: اخرجي وتاثمي ولا تقتليني، لا يحل لكم دمي
وهذا معناه ان الكلام هوالمعاني التي تقوم في نفس الانسان ويتخيلها قبل ان يعبر عنها بالفاظ تدل عليها
ده كلامك ولا كلام بن هشام ياعربي!!!!!

عبدالناصر البنا
01-21-2011, 08:47 PM
إحد اصدقائي ربنا كرمه قوي قوي وهو الآن اهم من نيقولا ساركوزي علشان تقابله لازم ميعاد قبلها باسابيع ويدوب هي نصف ساعه وتقوم تتكل ولا اما تشوف البيت اللي هو فيه ولا الحرس اللي حوالين البيت وكل شويه باب يفتح وباب يقفل وتتفتش وتعدي علي جهاز كشف بالاشعه وهييييه علي ماتشوفه
هو فين بالظبط؟؟ آه فهمت في السجن ياعربي!!!!

عبدالعليم حريص
01-21-2011, 08:55 PM
أحلامك أوامر
بس أنا شايف أنك ممكن تحصل صاحبك
ههههههههههههه

عبدالناصر البنا
01-21-2011, 09:11 PM
والسجن في فرنسا ليس احسن حالا من نظيره في بلادنا فعين العداله معصوبة العينين تمسك ميزان الحق والعنوان بيت الاصلاح والتهذيب والغريب في الامر انك بمجرد ان تضع قدميك في الداخل حتي تنسي تماما انك في فرنسا او حتي في افقر دوله اوروبيه والحال الذي آلت اليه حوائط هذا المبني الذي قد يعود تاريخه إلي خمسينات القرن الفائت او يزيد وما يدهشك حقا هو إختفاء اللون الابيض تماما في الوجوه فاما اسود واما قمحي وجميعهم فرنسيون ولا تكاد تسمع كلمه واحده فرنسيه
لقد تقاسم الافارقه والعرب سجون فرنسا مع الحفاظ علي اقليه اوروبيه (رومان او اتراك)
الآن فهمت معني كفتي الميزان يعني كفه للسود وكفه للعرب !! الفرنساوي مبيغلطشي قصدي (البوليس) الفرنساوي مبيغلطشي ويمسك واحد غير اما يكون يا اسود يا عربي!!!!

عبدالناصر البنا
01-21-2011, 09:16 PM
أحلامك أوامر
بس أنا شايف أنك ممكن تحصل صاحبك
ههههههههههههه
انا في المرحله التمهيديه الاول زياره وبعدين هبقي اساسي
محدش بياكلها بالساهل!!!هههههه

عبدالناصر البنا
01-21-2011, 09:23 PM
انا في المرحله التمهيديه الاول زياره وبعدين هبقي اساسي
محدش بياكلها بالساهل!!!هههههه

:pp::pp:انا شايف نجمه زياده الظاهر الحلم بتاع اخويا عربي اتح:ooooh:قق يييييييييييس يا هووووو!!!:ooooh::ooooh::ooooh::ooooh::woow::woow:: woow:

عبدالعليم حريص
01-21-2011, 09:33 PM
قصدك ما حدش بياخدها بساهل
يا عربييييييييي

عبدالعليم حريص
01-21-2011, 09:37 PM
شفت يا عربي اللي حصل:

حصل وتحينا تحينا منّوم
نوم من عمري عمر الحريري
حرير ده أميص
أميص وجمعه
جم على سهوة
سهوه وشاي
شايفينوا
فينو ده عيش
عيش على أدك
أدك جميل ....إلخ

وأدك المياس يا عمري
أيقظ الاحساس في صدري
أنت أحلى الناس في نظري
جل من سواك يا عربي
جل من سواك يا عربي

عبدالناصر البنا
01-21-2011, 09:46 PM
الله الله عالتجلي رائعه بدات بالعسل وانتهت بالاسمر(العندليب) وقدك المياس ياعمري و عبدالعليم حافظ نجم النجووووووووووووووووووم ياعربي

عبدالعليم حريص
01-21-2011, 09:53 PM
بس أنا مقصدت العندليب
أنا قصدت الأخ صباح
وخلي بالك مش الشحرورة علشان عارف دماغك
http://www.youtube.com/watch?v=xXrGLUjbp3M (http://www.youtube.com/watch?v=xXrGLUjbp3M)

عبدالناصر البنا
01-21-2011, 09:57 PM
وبمناسبه الابيض والاسود يقول عربي متحدثا عن صبغة الشعر المضروبه:
انا قبل ما اصبغ شعري الابيض
كان حبه اسود علي حبه ابيض
دلوقتي بقي ولا منه اسود ولا منه ابيض
ودا كله ما الزفت ابو تلاتـــــ ابيض
ياريتني جبت ابو سبعـــــــ ابيض!
بخييييييييل ياعربي!!!!

عبدالناصر البنا
01-21-2011, 09:58 PM
انا عارف انك مبتحبش عبدالحليم عشان فلاح يا عربي!!!!!
رائع صباح فخري بصحيح!!

عبدالعليم حريص
01-21-2011, 10:46 PM
أصل بعيد عنك أنا هواري قديم ...

عبدالناصر البنا
01-21-2011, 11:10 PM
كاني من اخبار إن ولم يجز له احد في النحو ان يتقدما
عسي حرف جرمن نداك يجرني إليك فإني من وصالك معدما
وعربي!!!!

عبدالعليم حريص
01-22-2011, 12:39 AM
هذا وفاء منك سيدي عربي

والواو حرف عطفٍ على من لا يستحق
و فاء لرشده فأدرك أن عمره ضاع هباء
عربي

عبدالناصر البنا
01-22-2011, 10:37 AM
شكسبير وامرؤ القيس اكون او لا اكون
اقصد هاملت وحندج:وهو ابوالحارث امرؤالقيس بن حجر الكندي من نسل سيدنا نوح عليه السلام ويلقب بالملك الضليل لانه قضي حياته في محاولات متكرره لاستعادة ملك ابيه
ولم يكن امرؤ القيس علي علاقه طيبه بابيه لقوله الشعر ولهوه فاقصاه عنه فكان يسير في احياء العرب ومعه اخلاط من الشذاد ولما اساء والد امرؤ القيس حجر بن الحارث الحكم في بني اسد ثاروا عليه وقتلوه فلما اتاه خبر موت ابيه قال:ضيعني صغيرا وحملني دمه كبيرا لاصحو اليوم ولا سكر غدا
اليوم خمر وغدا امر
مقولة هاملت بعد ان استولي عمه علي ملك ابيه وزوجته بعد قتله:اكون او لا اكون تلك هي المساله
ده إنجليزي وده عربي!!!!

عبدالناصر البنا
01-22-2011, 11:03 AM
في موسم التخفيضات الشتويه solde يكون الاقبال هائلا علي المراكز التجاريه في كل انحاء فرنسا ويكون الزحام هائلا وايجاد مكان لتوقيف السياره هو امر شبه مستحيل فتظل السيارات تلف وتدور حول نفسها اما انا فلقد لجات الي طريقه الإستشعار يعني اختار مكانا ما احس إن صاحب هذه السياره سوف ياتي الآن وينصرف تاركا مكانه لي احيانا انتظر خمس دقائق او يزيد وفي كل مره تضرب '(مراتي) كفا بكف إزاي عرفت ان المكان ده هيفضي ابتسم واقوللها :اصل انا عربي
شئ واحد فقط لم اجد له حلا حتي الآن هو :عندما تذوب( مراتي) في وسط الزحام كل الناس بتدور علي حاجه تشتريها وانا بدور علي (مراتي) سالتني البائعة الجميله آه الجميله لا الجميله جدا جدا
ممكن اساعدك؟ فقلت لها ميرسي انا بدور علي (مراتي) فردت بسرعه وبدون تفكير مقاس حضرتك كام! آه يا عربي!!!!!

أسماء صقر القاسمي
01-22-2011, 11:32 AM
اكيد تقصد البرنتوم واللافاييت لأني كل ما امشي فى شارع بولفار اوسمان أشوف سياره دايما تركن غلط واقول اكيد سيارة عربي الحين عرفت صاحبهاوالله شكلك يا عبدالناصر ما غريب وانا اقول وين شفت ها الوجه الحين عرفت وين هههه ..على العموم سير السانتينورييه ما اعتقد فى زحام شديد نصيحه مني صح بتدفع اكثر بس بتبعد عن مخالفات الشرطه

عبدالناصر البنا
01-22-2011, 12:00 PM
اكيد تقصد البرنتوم واللافاييت لأني كل ما امشي فى شارع بولفار اوسمان أشوف سياره دايما تركن غلط واقول اكيد سيارة عربي الحين عرفت صاحبهاوالله شكلك يا عبدالناصر ما غريب وانا اقول وين شفت ها الوجه الحين عرفت وين هههه ..على العموم سير السانتينورييه ما اعتقد فى زحام شديد نصيحه مني صح بتدفع اكثر بس بتبعد عن مخالفات الشرطه

ههههههه والله ضحكتيني من قلبي بس انا اصلا معنديش سياره ههههههه انا بركن المترو تحت الارض وكل مره ارجع ملقاهوش يقولولي الونش شالوهههههه

عبدالناصر البنا
01-22-2011, 12:21 PM
ساعداتك بالمغربي يعني يا بختك ولي صديقه مغربيه علي قد حالها كل ما اقلها حاجه تقوللي :ساعداتك ؛صاحبي اللي ربنا كرمه ودخل السجن بصراحه هيا اتبرعت وقالتلي لازم آجي ازوره معاك شافت السجن من بعيد قبل ما ندخل والحراس محاوطين المكان قالت؛؛ويلي ويلي ويلي
يعني يانهار اسود بالمغربي المهم اي حاجه بدل ساعداتك دخلنا وقابلناه سالناه عن اهواله قال الحمد لله دلوقتي نقلوني ف زنزانه لوحدي فسمعتها تهمهم (ساعداتك) فيها التليفزيون (ساعداتك) محتاج بس ستاره احطها علي الشباك (وكان الجو بارد جدا) فسالته ليه؟ قال لاني لما بصحي الصبح الشمس بتقوم ضاربه ف عيني فصرخت قائله سمش(السين الاول وبعدين الشين هي كده ف المغرب) عندك هنا سمش ساعداتك بقولك إيه تحبي تقعدي معايا هنا افاقت صديقتنا ورجعت الي رشدها قائلة ويلي ويلي ويلي!يعني يانهار اسود بال عربي!!!!!

عبدالناصر البنا
01-22-2011, 01:33 PM
وقبل ان تنعم عليا إدارة صدانا بقبول عضويتي كنت اراسل صحيفه اخري آملا ان تقبلني عضوا معها طلبوا مني بياناتي الاسم: عربي ؛المهنه :ابحث عن عمل السن: كبير؛الحاله الإجتماعيه :متزوج ويعول وبعد ان ارسلت لهم الايميل والذي منه جاءتني رساله :ناسف طلبك مرفوض سيدي حاول مره اخري
لم اياس حاولت مره اخري مع تبديل البيانات،الاسم:متزوج،المهنه :عربي السن:ابحث عن عمل الحاله الإجتماعيه :كبير وبعد ان ارسلت لهم الايميل والذي منه جاءتني رساله :ناسف طلبك مرفوض سيدي حاول مره اخري
لم اياس حاولت مره ثالثه مع تبديل البيانات،الاسم :ابحث عن عمل السن :متزوج ؛الحاله الإجتماعيه :عربي المهنه كبير
كنت اعمل بطريقة الكوبي كوليه في كل مره شئ واحد فقط نسيت ابدله هو عنوان الايميل
جاءتني رساله: ناسف طلبك مرفوض يا استاذ ولو سمحت لا تحاول مره اخري يا عربي!!!!:mad::mad::mad:

عبدالناصر البنا
01-22-2011, 02:24 PM
هناك اناس يتحاملون كثيرا علي عمليات التجميل ويقولون انها حرام وانها تبديل لخلق الله اما انا فاقول ان عمليات التجميل وان كانت حرام فانها الحل الوحيد امام الشعب المصري بعد ان باءت كل محاولات الانتحار بالفشل لتغيير الرئيس آه عملية تجميل ونرجعهلكو الملك فاروق
واهو برضه عربي!!!!!

عبدالعليم حريص
01-23-2011, 04:18 PM
عربي
صحيت اليوم متكاسل جداً
وما باعرف ليه
وكل ما أهم بفعل أي شيء أتذكر أني ما زلت في قعر فنجانها

عبدالعليم حريص
01-23-2011, 04:24 PM
المصبية التي قد تهدك يا عربي إنك تنسى عيد ميلاد مراتك

تقدر تعملها يا عربي
انا والله عملتها
اليوم شدت لي مكتوب من الصعيد يتهدد وتتوعد
قالت لي بالنص يوم زوجانا ومافتكرت وسامحناك
لكن كمان عيد ميلادي
هنا يا عربي تذكرت اني بالفعل يوم زفافنا الأبيض نسته تماما
أما عيد ميلادها وغلاوتك يا عربي ما خطر في بالي فطبعا أنا كما تعرف أني مازلت حبيس فنجان قهوتها
وفي قعر الفنجان ينعدم الإحساس بالوقت
فقولي شو أسوي
وأعتذر لها الزاي
أكيد الأمور دي مرت عليك كتير
يا عربيييييي

عبدالناصر البنا
01-24-2011, 12:03 AM
المصبية التي قد تهدك يا عربي إنك تنسى عيد ميلاد مراتك

تقدر تعملها يا عربي
انا والله عملتها
اليوم شدت لي مكتوب من الصعيد يتهدد وتتوعد
قالت لي بالنص يوم زوجانا ومافتكرت وسامحناك
لكن كمان عيد ميلادي
هنا يا عربي تذكرت اني بالفعل يوم زفافنا الأبيض نسته تماما
أما عيد ميلادها وغلاوتك يا عربي ما خطر في بالي فطبعا أنا كما تعرف أني مازلت حبيس فنجان قهوتها
وفي قعر الفنجان ينعدم الإحساس بالوقت
فقولي شو أسوي
وأعتذر لها الزاي
أكيد الأمور دي مرت عليك كتير
يا عربيييييي
آه الآن تذكرت آخر مره سالني الاستاذ حريص ماذا افعل لو كنت مكانه ونسيت تاريخ عيد ميلاد(مراتي) ولانني رجل يحب اصدقاءه فاختصرت الطريق وقلت اسال الست (مراتي) :قوليلي ياروحي ايه اللي يحصل لو نسيت عيد ميلادك ؟؟
دي كانت آخر فاكرها قبل ما ادخل المستشفي ؛ الف سلامه علي دماغك ياعربي!!!!!

عبدالناصر البنا
01-24-2011, 12:19 AM
بصراحه صديقتي المغربيه اول ما سمعت ماجرالي بسبب الاستاذ حريص كانت اول واحده تزورني في المستشفي وبعد ان حمدت لي السلامه والذي منه لاحظت اني مستلقي علي سريري وقد وضعوا لي انابيب المحاليل و الممرضات رايحين جايين
في خدمتي ككل المرضي فسالتني:كل هده الغرفه لك وحدك فاشرت لها ان نعم فهمهمت تهز راسها: ساعداتك وهذه الانابيب ماذ بها ?قلت لها هذا جلوكوز فقالت
كلوجوز ساعداتك فقلت لها غاضبا :تحبي اشيل الابره من دراعي واحطهالك ف دراعك ؟؟ فصرخت ويلي ويلي ويلي، لو عايزه تعرفي الوصفه اللي تجيبك هنا روحي إسالي الاستاذ حريص آه يادماغك ياعربي !!!!!

عبدالناصر البنا
01-24-2011, 12:36 AM
الآن وانا وحيد في المستشفي استطيع ان اقول اني وجدت حلا للاستاذ حريص ولجميع الازواج الذين ينسون اعياد ميلاد زوجاتهم وهو:منبه عربي وساسجل براءة الاختراع باسمي وهو عباره عن منبه يرن مرتين في السنه الاولي في عيد ميلاد(مراتي) والثانيه في عيد زواجنا واحذر جميع الاصدقاء اذا سمعوا رنات المنبه الاولي بان يذهب إلي زوجته ويقول لها كل سنه وانت طيبه يا حبيبتي ؛بمناسبة عيد ميلاد (مرات عربي) وفي الثانيه نفس الكلام عيد زواج عربي اما اذا حدث لاقدر الله عطل فني ولم يرن الجرس في موعده ف دي تبقي مصيبه وحلت علي دماغك ياعربي!!!!!

عبدالناصر البنا
01-24-2011, 01:48 AM
من وراء الشمس شبه الجزيره عربي

اعلان هام الي جميع الاصدقاء الزائرين والاعضاء في مجله صدانا انه ابتداء من الآن سوف ينقل الي حضراتكم البث المباشر من وراء الشمس لقناتكم الإخباريه شبه الجزيره وسوف يقوم الاخ عربي بموافاتكم بكل ما يستطيع من اخبار والله ولي التوفيق من وراء الشمس شبه الجزيره عربي!!!!!

عبدالناصر البنا
01-24-2011, 01:54 AM
إبتداء من اليوم يقوم شعب مصر العربي بصرف المنحه الجديده المقدمه من الحكومه لكل مواطن وهي عباره عن اربعة لترات من الكيروسين وعليهم علبة كبريت هديه
من وراء الشمس شبه الجزيره عربي!!!!!

عبدالناصر البنا
01-24-2011, 02:13 AM
الفقره الإعلانيه
اوه إنت عندك تليفون سونسن
لا انا بصراحه كنت هشتريه السنه اللي فاتت لكن مكانش عندي يكمل فلوس
آه تقدر دلوقتي تشتريه ده إمكانياته هايله احسن بكتير من بتاع السنه اللي فاتت
سونسن بتاع السنه دي اغلي بكتير من بتاع السنه اللي فاتت
انا بقول خلينا بقي للسنه الجايه
سونسن لو اشتريته السنه دي هتندم السنه الجايه!!!!!يا عربي!!!!:ooooh:

عبدالعليم حريص
01-24-2011, 02:40 AM
جيتك يا عبدالمعين تعيني لقيتك يا عربي عاوز تتعان

ربنا يستر ويقف الأمر عند حد المستشفى
والمشكلة يا عربي
إنها كعادة الكثيرات عندنا متدربة تدريباً جيداً على حمل السلاح تفتكر يا عربي ممكن تضحي بيا مقابل عيد ميلادها أو زواجها
على العموم انا هكتب وصيتي لربما تكبر في دماغها ولازم تطلق الرصاص من قبيل التذكير
المهم إنها من ساعة ما شدت المكتوب وأنا حالتي ربنا يعلم بيها وأنت أكيد مجرب يا عربي بلاش نوضح وننشر غسيلنا
أه يا عربي
ياعني مقدرتش تنبهي قبلها بيوم
أو اليوم ده يتزحزح يوم لقدام
طيب على العموم موضوع المنبه ده حل مثالي لو كان في العمر بقية

عبدالناصر البنا
01-24-2011, 08:57 AM
المنذر بن ماء السماء ملك الحيره لقب بذي القرنين لذؤابتين كان يضفرهما في قرني راسه فيرسلهما ولقب كذلك بالصعب لشدة مراسه وغلبته ولقمان بن عاد شخص اسطوري ينسبه بن الاثير الي نوح وقيل حكيما ونبيا وقد قيل له إختر لنفسك؛الا انه لا سبيل إلي الخلود،فإختار عمر سبعة انسر فعمر فيما يزعمون عمر سبعة انسر وكل نسر كان يعيش ثمانين سنه
وفي هذا كان العرب يمثلون القوه والطغيان بالمناذره وللتذكير بان الانسان مهما طال عمره غير مخلد بلقمان بن عاد:
إذا الصعب ذو القرنين ارخي لواءه الي مالك ساماه قامت نوادبه
يسير بوجه الحتف والعيش جمعه وتمضي علي وجه البلاد كتائبه
الم تر لقمان بن عاد تتابعت عليه النسور ،ثم غابت كواكبه؟
فكيف يرجي المرء دهرا مخلدا واعماله عما قليل ،تحاسبه؟
وعربي!!!!!

عبدالناصر البنا
01-24-2011, 09:15 AM
فقره إعلانيه
مسحوق غسيل لولو يغسل اكثر بياضا
امامنا قطعتين من القماش الابيض الاولي غسلت بمسحوق غسيل عادي والثانيه غسلت بمسحوق غسيل لولو
دي بيضه
ودي ابيض م البيضه!
ابيض من كده إيه؟ يا لولو

تليفون سونسن عارف الطرق لوحده
تحبي نروح فين يا روحي؟
ف ستين داهيه!
سر نحو ستين مترا ثم انحرف يمينا (دي الترعه مش هتبان)
سونسن معك في اي مكان!

عبدالناصر البنا
01-24-2011, 10:10 AM
افسدت بالمن ما اوليت من نعم ليس الكريم إذا اسدي بمنان

عبدالناصر البنا
01-24-2011, 03:00 PM
المنذر بن ماء السماء ملك الحيره لقب بذي القرنين لذؤابتين كان يضفرهما في قرني راسه فيرسلهما ولقب كذلك بالصعب لشدة مراسه وغلبته ولقمان بن عاد شخص اسطوري ينسبه بن الاثير الي نوح وقيل حكيما ونبيا وقد قيل له إختر لنفسك؛الا انه لا سبيل إلي الخلود،فإختار عمر سبعة انسر فعمر فيما يزعمون عمر سبعة انسر وكل نسر كان يعيش ثمانين سنه
وفي هذا كان العرب يمثلون القوه والطغيان بالمناذره وللتذكير بان الانسان مهما طال عمره غير مخلد بلقمان بن عاد:
إذا الصعب ذو القرنين ارخي لواءه الي مالك ساماه قامت نوادبه
يسير بوجه الحتف والعيش جمعه وتمضي علي وجه البلاد كتائبه
الم تر لقمان بن عاد تتابعت عليه النسور ،ثم غابت كواكبه؟
فكيف يرجي المرء دهرا مخلدا واعماله عما قليل ،تحاسبه؟
وعربي!!!!!
اده الكلام دم ايام الجاهليه اما اليوم فان رمز القوه والجبروت بلا شك هو كلمة(مراتي)
وكل رجل متزوج هو رجل مغلوب علي امره ولا حول له ولا قوه
اما رمز العمر الطويل فهو الزعيم الخالد المبارك المصري الذي احتفل بالنسر الاول ومازلت النسور قادمه والله يكون في عونك ياعربي!!!!!

عبدالناصر البنا
01-24-2011, 09:11 PM
هنا الآخره

جمعه وسبت وحد
والاتنين
يا عربي
وانت ماشافك حد
كنت فين
ياعربي
انا اصلي بصراحه
والصراحه راحه
حبيت اعمل ويك إند
إنشالله يكون ف الهند
واحلفلكم يمين
خليتكم هنا نايمين
ورحت
رحت فين؟
رحت مت !
يانهار اسود طب وانت تطلع مين ؟؟
الوان ولا ابيض واسود
انا عربي يعني مين
قدامكو يابني آدمين

هحكيلكو ع الحكايه سامعينني
اه سامعين
: من زهقي ف الويك إند
قررت اموت فمت
لقيت نفسي ف طابور
طابور الميتين
واقف مستني الدور
بملايكه متحوطين
من بعد إذنك ياملاك هو الطابورده لحد فين
ـ بص قدامك هناك علي طول كده مستعجلين
وانا ف طابور الآخره صاحبتلك حتة صبيه
لاكن جمالها ظاهره
عمري ماشفت جمالها بره
ومعانا من نفس المجره
يعني احتمال م المشتري
لقيتها بتميل عليا
اديتلها المحمول بتاعي
وكتبت رقمها علي دراعي
كلمتها بايه يا عربي؟
هيكون بايه بالطبع عربي
المهم حصلك ايه احكيلنا هتوهنا ليه؟
وصلت انا آخر الطابور
لقيت ملاك لابس طرطور
قاللي إسمك ايه ؟ عربي إيه؟
قام متنفض يضرب بكف
زي اللي عقله منه خف
:انت مين يابني اللي جابك؟
النهارده مش حسابك!!
طب هعمل ايه ؟ رجعوني منين ماجيت
طب يا ريت !
النهارده سبت وبكره صابح حد
وملايكة القوانين كلهم ويك إند
استني ليوم لتنين
آدي الجنه وآدي النار
وانت بقي اتفرج واختار
بصيتلكو ع النار علي سهوه
شفت المعلم صاحب القهوه
ناديت عليه يامعلم عطوه
إدخل جوه احسن تستهوي
وشفتلك ف النار انا مين
الرقاصات والفنانين
رؤسا وملوك م المشهورين
ضربتلك ع الجنه عين
لقيتها كلها شحاتين
فقرا وغلابه ناس طيبين
سمعتلك صوت الملاك ياللا ياعربي ع الجنه
رديت عليه لآ استني
انا مش معادي؟
طب عايزايه ارجع بلادي
دا القاهره اهون كتير م الآخره!!!!
مصدقين؟ مالكم وقفتو مبلمين؟؟
يعني انتو مش مصدقين!!!!!

عبدالناصر البنا
01-25-2011, 08:43 AM
من يوم ما لبسوكي طرحه وجلابيه
من يوم ما سلسلوكي في الهم يا بهيه
وانتي رابطه الحزام
والناس تطلع قدام
وبلدنا هيا هيا
طرحه وجلابيه يا عربي!!!!!

عبدالناصر البنا
01-25-2011, 08:50 AM
ثورة الفولفين
الناس الفرحانين بثورة الياسمين
جايين بيسالوني عن ثورة الفولفين
ثورة الفولفين؟
يا عربي!!!!!

عبدالناصر البنا
01-25-2011, 08:59 AM
وقراناها في الكتاتيب
المغلوبة والمغاليب
سيبك من لبس الجلاليب
روح هاتلنا اجدع جوال
دي بلدنا محتاجه رجال
ومنين اجيب يا عبدالعال
بكم يباع المال بالمال
ياعربي!!!!!

أسماء صقر القاسمي
01-25-2011, 09:01 AM
فى سنة ما اعتقد فى اواخر التسعينات دق فى راسنا نلف العالم حسب ما تقول شركة الطيران ا لسنغافورية سالنا كم دولة يعني عرفنا ان التذكرة سنغافورة هونغ كونغ تايلاند اليابان ا لهاواى لوس انجلوس نيورك لندن الدنمارك قلنا حلو نيرب لشو لا صح متعبه بس حلوه المغامرةاول محطه كانت سنغافورة جميلة جدا وراقيه ونظافة والقانون ينفذ على على الجميع بدون استثناءيومين والثالث قلنا للسايق ودنا منطقه تعتبرها مهمه ما قصر الرجل او الريال بلهجتنا ودانا(أخذنا) لمنطقه اول ما دخلت ذهلتعالم ثاني غير سنغافورة القانون هنا ما ينفذ بالضبط الشوارع اللى تلموع من النظافه هنا لا وجودلها الوجوه تختلف عن الوجوه المألوفه فى سنغافوره اللغه عربية سالت بايع شو ها السالفه نحن فى سنغافوره أو فى بلاد عربيه عرفت منه انهم بقايا سافرولم يعد واغلبهم من اليمن والسعوديه هاجر اجداداهم و بقوا ولكن الحق يقال متقنين اللغه العربيه وكانهم فى بلداهمقصدى لهجتهم ومتخصصبن فى بيع العطور العربية وللاسف محافظين على الصفات العربيه القحه لا تهتم ولا عليك من القانونومسمين ها المنطقه اعتقدسوق العرب اشترينا عود وبخور وعطور عربية وخلطات ورجينا الفندق على اساس نحن فى سنغافورةكل شى نظام وقانون وذمه للاسف اكتشفنا نص العطور مغشوشه ...قلت اشهد انهم عرب ..من الشوارع اللى كلها ماى ووووالى الغش التجاري

يتبع فى طرائف العرب المبكيه

عبدالناصر البنا
01-25-2011, 09:09 AM
فقره إعلانيه
يمكنك الاستغناء كل مرايات السياره
سونسن يحدد كل المسافات للامام وللخلف
وفي حالة لا قدر الله سونس يتصل اوتوماتيكيا بالاسعاف
سونسن معك علي الطريق وربنا يستر
معاك تليفون سونسن ياعربي!!!!!

عبدالناصر البنا
01-25-2011, 09:22 AM
وبدون ان تذهبين الي سنغافوره او هونج كونج يكفي بدل ما تروحي جاليري لافاييت تحودي علي باربيس حيث كل شيء عربي ميه في الميه واذا كنتي لقيتي نص العطور عندك مغشوشه ففي باربيس كلها مضروبه
حتي السجاير من بره مارلبورو من جوه كليوباتره
barbes فيها كل اللي عمرك ماتشوفه بره لا انتي ولا عربي!!!!!

عبدالناصر البنا
01-25-2011, 09:51 AM
هناك شيء آخر مهم وخطير وهو برغم اننا نعمل وندفع الضرائب مثل اي مواطن فرنسي إلا ان المناطق الت نسكنها تكون آخر منطقه يصلها الخدمات العامه التي تنفذ بحذافيرها في اي منطقه يقطنها الفرنسيون ثم هذه العزله التي يفرضونها علينا وبخاصه دول المغرب العربي هل تعلمون ان منطقة 93 لا يسكنها إلا العرب وفي عهد الرئيس شيراك اوشكت ان تحدث ثوره وحوصرت المنطقه برجال الامن والطائرات انهم ما زالوا يفرقون بين الفرنساوي ابن الفرنساوي والفرنساوي بن عربي!!!!!

عبدالناصر البنا
01-25-2011, 10:39 AM
من يوم ما لبسوكي طرحه وجلابيه
من يوم ما سلسلوكي في الهم يا بهيه
وانتي رابطه الحزام
والناس تطلع قدام
وبلدنا هيا هيا
طرحه وجلابيه يا عربي!!!!!
من يوم مالبسوكي طرحه وجلابيه
من يوم ما سلسلوكي في الحزن يا صبيه
من يوم ما بيعوكي الارض والقضيه
يادي الكسوف يادي الكسوف
البقره عايزه تجيب خروف
يادي الكسوف يادي الكسوف
وحوستنا حوسه إعملو معروف
الامريكاني التفاح
تعا خد مكاني وارتاح
دا جاني فلونزا الحلوف
يا بو الطاقيه الشبيكه
ايه اللي نابك
ولامتي راضي
بسنين عذابك
يابو الطاقيه
باعو القضيه
والدنيا قامت
والدور عليا
طرح الياسمين
ريحه ورياحين
سال الياسمين
الفول راح فين
راح الفول فين
والدور علي مين
الدور علي مين
يابو الطاقيه!!!!

أسماء صقر القاسمي
01-25-2011, 12:27 PM
وبدون ان تذهبين الي سنغافوره او هونج كونج يكفي بدل ما تروحي جاليري لافاييت تحودي علي باربيس حيث كل شيء عربي ميه في الميه واذا كنتي لقيتي نص العطور عندك مغشوشه ففي باربيس كلها مضروبه
حتي السجاير من بره مارلبورو من جوه كليوباتره
barbes فيها كل اللي عمرك ماتشوفه بره لا انتي ولا عربي!!!!!


ههههه قصدك ابوقير او ابوكير
مره قالت لى صديقه شو رايك نتمشى ونشوف قلت يالله نجرب أشهد انها مره ولن اكررها كلها نص ساعه الف محاوله سرقه ولشو ما الشانزليزيه بحاله فى الليل كل البضائع مقلده وتعرض علنى على الشارع من الباعه المتتجولين المحترفين وحتى الغير متجولين الدنيا كلها مضروبه بفيروس الغشحتى فى الغاليزيات المشهوره تشترى قميص ديور يطلع لك صناعه بنغلادس وايطاليا نفس الشى وغيرها
خلاص ما عاد الامر عاده عربيه قحه هذا ما اشكال الاشال الأهم الادوية المصنعه عدنا فى الدول العربية والدول تدعمها فىظل تواجد
ادوية اصليه باسعار لايقدر على شرائها ذوى الحل المحدود وما اكثرهم بعشرات الملايين يقوما ياخذو ا الدوا المدعوم من قبل الحكومه (.....) ما يعرف ان اللى ياخذه شبيه الدوا ما الدوا الاصلى والدليل خذ حبه بروفين اصليه شوف النتيجه اللى فى مقابلها 5 حبات فى احسن ا لاحوال مصنعه فى الدول العربيه وتعطى ربع النتيجه ....يالله ما نحن عرب ما مهم

عبدالعليم حريص
01-25-2011, 03:21 PM
ههههه قصدك ابوقير او ابوكير
مره قالت لى صديقه شو رايك نتمشى ونشوف قلت يالله نجرب أشهد انها مره ولن اكررها كلها نص ساعه الف محاوله سرقه ولشو ما الشانزليزيه بحاله فى الليل كل البضائع مقلده وتعرض علنى على الشارع من الباعه المتتجولين المحترفين وحتى الغير متجولين الدنيا كلها مضروبه بفيروس الغشحتى فى الغاليزيات المشهوره تشترى قميص ديور يطلع لك صناعه بنغلادس وايطاليا نفس الشى وغيرها
خلاص ما عاد الامر عاده عربيه قحه هذا ما اشكال الاشال الأهم الادوية المصنعه عدنا فى الدول العربية والدول تدعمها فىظل تواجد
ادوية اصليه باسعار لايقدر على شرائها ذوى الحل المحدود وما اكثرهم بعشرات الملايين يقوما ياخذو ا الدوا المدعوم من قبل الحكومه (.....) ما يعرف ان اللى ياخذه شبيه الدوا ما الدوا الاصلى والدليل خذ حبه بروفين اصليه شوف النتيجه اللى فى مقابلها 5 حبات فى احسن ا لاحوال مصنعه فى الدول العربيه وتعطى ربع النتيجه ....يالله ما نحن عرب ما مهم



الشيخة أسماء
قبل ما يدخل عربي ويقرأ اللي أنت كتباه
لا أعتقدة إنه ممكن يستوعب كلمة قحة
احتمال يقرأها كحة (سعال)
ويعدي لنا المنتدى بفيروس الهلوسة
وساعتها هيبقى عربي عربي

(وسلمولي عليه..)

عبدالناصر البنا
01-25-2011, 08:54 PM
آسف لتاخري في الرد علي الشاعره اسماء والشاعر حريص لاني بجد كنت عند الطبيب ؛لا مش انا ؛ولا هيا دي البنت بنتي الصغيره قال عندها (الكحه) سالني الطبيب المعالج للعائله : من يوم ما عرفتكم عمري ما كشفت عليك انت لا تمرض ابدا قلت لا يا دكتور انا امرض ولكني من فرط خجلي لا اسمح لاحد ان يكشف عليا فنظرت لي (مراتي) قائله بقالك عشر سنين ماجالك حتي برد فقلت حتي اذهب الحسد عني كحكحكحكحكح ليه يعني انتي فاكراني إيه ؟؟عربي؟!!!!!!!
امال انا عربي اونطه قال كحه قال!!!!

عبدالناصر البنا
01-25-2011, 10:23 PM
ثورة الفولفين
الناس الفرحانين بثورة الياسمين
جايين بيسالوني عن ثورة الفولفين
ثورة الفولفين؟
يا عربي!!!!!
هيغورهيغور هو اللي عليه الدور

عبدالناصر البنا
01-25-2011, 10:29 PM
وقراناها في الكتاتيب
المغلوبة والمغاليب
سيبك من لبس الجلاليب
روح هاتلنا اجدع جوال
دي بلدنا محتاجه رجال
ومنين اجيب يا عبدالعال
بكم يباع المال بالمال
ياعربي!!!!!
هانت يا عربي
هيغورهيغور هو اللي عليه الدور
هنرجع تاني لبلدنا
ادوس علي ارض حتتنا
هنا بيتنا دي حارتنا
وشباك كان لجارتنا
لايامنا
لاحلامنا
شقاوتنا
هنرجع تاني
يا عربي!!!!!

عبدالناصر البنا
01-25-2011, 10:55 PM
ياجماعه حرام عليكو اللي بتعملوه الراجل مش عارف ينام!!!!
ماتقولهم حاجه يا عربي!!!!!

عبدالناصر البنا
01-25-2011, 11:58 PM
إجتماع طارئ للكنيست الاسرائيلي لام نشوف حل في المصيبه دي الشعب المصري هايج
لو طار هنعمل ايه؟؟؟
من وراء الشمس يا عربي!!!!!

عبدالناصر البنا
01-26-2011, 09:31 AM
الدكتوره سهير عبدالرحمن
شاعره وطبيبه تحمل في قلبها هموم الوطن وتسري في دمائها احزان الوطن تنضح كلماتها برائحة الارض وعطر الرياحين
تشعرها حين تقرا سطورها بانك تسافر معها في كل عصور التاريخ الانساني تتجول كلماتها في ردهات التاريخ بلا قيد تنهل من كل الحضارات سهير عبد الرحمن الانسانه البسيطه الابنه الاخت الام الشاعره الجميله اردت ان احييها واخبرها انني عاشق لكل ما تسطره من فكر وخيال وجمال
عبدالناصر البنا
لحظه عربي عايز يقولك حاجه:
انا كنت عايز اسالك يادكتور سهير انا بنتي عندها خمس سنين
عندها مشكله كبيره كل الناس بتقوللي يا عربي وهيا الوحيده اللي بتقوللي يابابا مش عارفه تنطق :عربي!!!!!!!

عبدالناصر البنا
01-26-2011, 09:05 PM
من قبل وفي يناير 1977 قالوا انتفاضة حراميه
واليوم يناير 2011 يقولون دول حبة عيال
انها الصحافه المصريه
انها الغمامه السوداء حول عيون السلطه
منظمة: صحفيون بلا ضمير
مازالت تمارس عملها باتقان في كل زمان
من وراء الشمس شبه الجزيره عربي!!!!!

عبدالناصر البنا
01-26-2011, 09:53 PM
المراه نصف المجتمع
لو بس يقوموا النسوان
جنب الرجاله الجدعان
متشوف ولا واحد يتهان
ونجيب مناخير السلطان
وعربي!!!!!!

عبدالناصر البنا
01-26-2011, 11:51 PM
اعلانات
تليفزيون عاجيبه
احدث وافخم تليفزيون
تليفزيونات عاجيبه
إنها حقا الوان عجيبه
اللون الابيض ابيض والاسود اسود عجيبه
ويانهار ازرق ع اللون الازرق
اما الاحمر فهو حمار وحلاوه
عاجيبه
هيوريك دنيا غريبه! يا عربي!!!!!

عبدالعليم حريص
01-27-2011, 12:10 AM
حبيب قلبي
رفقا بالقوارير يا عربي

لحسن أدور عليك ألقيك في خبر كان وإن وظن وكاد وأوشك وأخلولق واعشوشب
يهديك يا ودِي بالتونسي يا عني يا ولدي بالمصري يا عربي

عبدالناصر البنا
01-27-2011, 09:28 AM
فاكر يا حبي!
فاكر يا حبي لما
كنت انت والسادات
فاكر علي المنصه
هو بيبص بصه
لفوق ع الطيارات
لما سبته وجريت
فاكر تحت الكراسي
آه فاكر ولا ناسي
كان يوم صعب وشديد
اناقلت بس افكر
مهما تعلي وتكبر
الله اعلي واكبر
وللا دي كمان نسيت
عربي!!!!!

عبدالناصر البنا
01-27-2011, 10:52 AM
قومي افتحي نارك علي اللي لا يخشي ولا يستحي
قومي افتحي نيلك ليروي بميته الارض جفت في الشتا والصيف
وجيوش جراد الخوف
اكلت سنابله وغلته
قومي افتحيلي الباب
انا ابنك اللي غاب

عبدالناصر البنا
01-27-2011, 09:24 PM
تظاهروا
ما اروع التظاهره
تجمهروا
اسراب طير عابره
طافت باعنان السماء مهاجره
فالقاهره
القاهره
هبت مع الفجر الوليد مكبره
اخبر جيوشك اننا
حصوننا قلوبنا
انا بلا بارليف
وخبزنا ليس الرغيف
انا جيادا نافره
ليس الرصاص يخيفنا
ليس العتاد يهمنا
(احرارا ولدتنا امهاتنا)
فارحل
ارحل قبل ان تهوي الصواعق
واعلم بانك هالك
وبلادنا حرة متحرره
والقاهره
ابدا تظل ال قاهره

عبدالعليم حريص
01-27-2011, 09:39 PM
لا أدري لماذا يا عربي
متوجس خيفة مما تصير إليه الأمور

عبدالناصر البنا
01-27-2011, 10:38 PM
لا أدري لماذا يا عربي
متوجس خيفة مما تصير إليه الأمور

يا صديقي الحريه ليست منحه ونحن شعب يريد فقط ان يعيش بكرامه ان الله يلقي في قلوبهم الرعب فاطمئن انهم يسجلون التاريخ لنا ولهم وياليتني كنت معهم

عبدالناصر البنا
01-28-2011, 08:41 AM
ارحل قبل ان تهوي الصواعق
ارحل ودعنا يا مبارك
فقلوبنا كل المسالك
واعلم بان الظلم حالك
واعلم بان البغي هالك
...وبلادنا حرة متحرره
والقاهره
ابدا تظل قاهره

عبدالناصر البنا
01-28-2011, 08:50 AM
جمعه مباركه عليكم جميعا

عبدالناصر البنا
01-28-2011, 09:33 AM
بزغت مثل الفجر صبيه
تهتف بين جموع الغضب المقهور
الحريه الحريه
كفراشات النور
تدور تدور
تلقي بالكلمات السحريه
كفقاعات الماء بكاس البللور
الحريه الحريه
تأسر قلبي معها
تأسر كل الاحياء
وتهز بصيحتها كل نبات الارض
تهز بصيحتها كل جماد الارض
توقظ حتي كل اناشيد العصفور
تفتح صفحات التاريخ المطويه
وتقلب فيها
تقلب فيها عن كلمات اضحت منذ عصور منسيه
منسيه منذ عصور
الحريه الحريه
تلك فتاة لم تبلغ حتي العشرين
رفضت
ان تكمل قصتها
بين صفوف المقهورين
رفضت
ان تبلع غصتها
بين جموع المهمومين
قامت وانتفضت
ثارت واندلعت
راحت جاءت
جاءت راحت
احترقت صرخت
صرخة غضب
شقت صدر العالم بالسكين
تغلي تغلي
كالبركان يفور تثور
تثور
يفور
يخرج بالحمم الناريه
الحريه الحريه
الحريه الحريه

عبدالعليم حريص
01-28-2011, 09:38 PM
بلادي وإن جارت عليّ عزيزة وأهلي وإن ضنوا عليّ كرام

اللهم احفظها بلاداً آمنا مستقراً وكل بلاد المسلمين

عبدالعليم حريص
01-29-2011, 02:42 AM
أيه يا عربي

سكت دهراً ونطق كفراً
وعدنا لنقطة الصفر
وسلملي على تخاريفك

عبدالناصر البنا
01-29-2011, 02:14 PM
الباب يفوت جمل
ياصباح الخير قبل ما يصحي مبارك وبصوت واطي جدا:سعد زغلول قال : مفيش فايده
الناس اللي مش عايزينني هيسيبوني ويروحو فين؟؟
رايح فين ياوله ارجع ياوله هو الشعب واخدعزاله ورايح ياعربي!!!!!

عبدالناصر البنا
01-29-2011, 02:44 PM
خطاب مبارك
ونحن مصممون علي المضي قدما في إصلاح ماتبقي
ولن نتراجع عن خطتنا
اصلا انتو مش فاهمين الكرسي كان مليان مسامير في الخطه الخمسيه الاولي هي اولا نزع المسامير القديمه وثانيا
استبدال المسامير المخلوعه باخري جديده
الناس فاكرين ان احنا بنلعب ياعربي!!!!!

عبدالناصر البنا
01-30-2011, 01:47 AM
تغييرات مبارك
تغيير تغيير آديني غيرت الجزمه والقميص والبنطلون !ناقص ايه تاني ياعربي!!!!!

عبدالناصر البنا
01-30-2011, 01:56 AM
تغييرات مبارك
تغيير تغيير آديني غيرت الجزمه والقميص والبنطلون !ناقص ايه تاني ياعربي!!!!!
الصوره ياريس الشعب مش عاوز الصوره دي
عشان كده كانو بيقطعوها

عبدالناصر البنا
01-30-2011, 09:53 PM
تنفع صورة جمال؟؟؟ياعربي!!!!!

عبدالعليم حريص
01-30-2011, 11:28 PM
مزبلة التاريخ تفتح أبوبها يا عربي
استخبى اليومين دول

عبدالناصر البنا
01-31-2011, 01:26 AM
تعيين عمر سليمان واحمد شفيق
كده وضحت الرؤيه مبارك عاوز يقول للشعب :يا احمد يا عومآآآار

عبدالناصر البنا
01-31-2011, 01:44 AM
لمن الملك اليوم!!!

عبدالناصر البنا
01-31-2011, 09:26 AM
القيامه
تزلزلت
الارض من تحت اقدامكم
تفتحت كل القبور
تبعثرت
تصدعت كل القصور
تفجرت
كل الثغور
ويل لكم
عصياننا لعصيكم
وصدورنا لرصاصكم
اوهي بكم ارهابكم لشعوبكم
ويل لكم
اليوم تجلي الصدور
والملك لله
الملك لله
لا
لطغيانكم

عبدالناصر البنا
01-31-2011, 10:14 AM
يا مصر يحميك الإلاه
من كل خوف و بلبله
واللي افتكر انه اله
والعز والفخر ملاه
وبلغ غروره منتهاه
آن الآوان لمنتهاه
ملكه انتهي
عهده انتهي
والملك لله
الملك لله

عبدالناصر البنا
01-31-2011, 10:43 AM
تنفع صورة جمال؟؟؟ياعربي!!!!!
لو جمال عبدالناصر ماشي ياريس!

عبدالناصر البنا
01-31-2011, 10:46 AM
في إطار التعديلات التي اجراها مبارك:قطع النت والمحمول واخيرا قناة الجزيره ياتري ماهي الخطوه الديموقراطيه القادمه هيقطعوا ايه تاني ياعربي!!!!

عبدالناصر البنا
01-31-2011, 08:52 PM
اغنياء مصر خايفين علي فلوسهم من الحراميه واخد بالك يا عربي لكن الحراميه اللي سرقو فلوس مصر دول مش مهم هيروحو النار
ياسلام ياعربي!!!!!!

عبدالناصر البنا
01-31-2011, 09:28 PM
تلاتين سنه خدمه وتقوللي اخرج طب اخرج اروح فين؟؟؟؟؟
هو فيه حد بعد كده هيرضي يشغلني رئيس يا عربي!!!!

عبدالناصر البنا
01-31-2011, 09:29 PM
يسقط الزعيم
مقالولكش في اي فصل ياعربي!!!!

عبدالناصر البنا
01-31-2011, 09:34 PM
قهوة الرؤساء
نارجيله لابن علي
خليهم نارين علي حسابي
نار ياعربي؟!!!!!

عبدالناصر البنا
01-31-2011, 09:37 PM
قهوة الرؤساء
نارجيله لابن علي
خليهم نارين علي حسابي
نار ياعربي؟!!!!!
شكرا ياريس نارك سابقه علينا كلنا

عبدالناصر البنا
01-31-2011, 10:32 PM
نحن في حل مما تقول وانت في حل




اليوم امر


فليرحل الخريف والخرفاء


ان نكون اولانكون


فقراء كنا ونظل


وتعلمنا ان نحيي


بين الجوع وبين الظل


فقراء لكن شرفاء


اليوم اما ان نكون او لانكون


ومكاننا تحت السماء


والهنا حكم السماء


فلا نذل ولا نضل


اياك ان حسبتنا يوما نمل


لو مل يوما بحر طغيانك من موجاته


لانمل


فاننا قد ولدنا من موجاته مثل الزبد

لو اخبروك اننا رعاعه ورعاته
لسنا رعاعا للابد
ولن نظل
فاليوم تحت اقدامنا تذل
اليوم امر

اما تكون فلا نكون

نحن في حل مما تقول وانت في حل

عبدالناصر البنا
02-01-2011, 08:49 AM
الي تظاهرة المليون
اليوم تقف كلماتي عاجزة عن وصف هذا الإحساس الرائع الذي يغمرني بالنشوة لما قدمه لنا شباب مصر من دليل دامغ اننا امة متحضره وقوة لا يمكن الاستهانه بها انها ثورتكم بكم ولكم وادعو ان يكون النصر لنا ولكم باسمي وباسم كل الجاليه المصريه في باريس قلوبنا معكم والله يرعاكم

عبدالعليم حريص
02-01-2011, 08:57 AM
هي الأيام والعبرُ
وأمر الله ينتظرُ
أتيأس ان ترى فرجاً
فأين الله والقدرُ

عبدالناصر البنا
02-01-2011, 11:49 PM
هذه الارض لنا والسماء
فقراء
عشنا ونظل
ولنا رب السماء
فلا نضل
نحن في حل مما تقول
فارتحل!!

عبدالناصر البنا
02-01-2011, 11:51 PM
حل عن سمانا حل

عبدالعليم حريص
02-02-2011, 04:20 AM
شو يا عربي
يعني عدنا بخفي حنين

عبدالناصر البنا
02-02-2011, 08:28 AM
يبدو انه لابد له من نهايه ساداتيه انه لم يفهم بعد انها ثوره
وان الشعب يريد اسقاط الرئيس
الشعب يريد اسقاط الرئيس
الشعب يريد اسقاط الرئيس

عبدالناصر البنا
02-02-2011, 09:53 AM
الشعب يريد اسقاط النظام
مكتوبه ع الحديد
مكتوبه ع الرخام
مكتوبه ع المدافع
مكتوبه ف الشوارع
الشعب يريد اسقاط النظام
والشعب لو يريد
لابد ان يكون
فلتفتح السجون
وتخرج الكلاب
كي تفزع الاهالي
وتقتل الشباب
اضرب فلا نبالي
بالسوط والعذاب
لابد ان تكون
لابد ان تكون
لو كانت الارواح
رخيصة التمن
هتندم ع اللي راح
وهتدفع التمن
الدم راح يسيل
تمانين مليون قتيل
وهيملا نهر النيل
والبحر لو ينشق
لأ لا لا لأ
هتسمع الكلام
الشعب يريد اسقاط النظام

عبدالعليم حريص
02-02-2011, 05:30 PM
تصور يا عربي أنا مش فاهم شيء
الشعب رضي بانتقال سلمي
لكن الأخوة المؤيدون للنظام عملوا فيها تيت
فجعلوا الناس تعود لنقطة البداية بالمطالبة بالتنحي

هو مين مع مين ومين ضدد مين يا عربي
يا خوفي يا عربي تكون اتقلبت أنت كمان هههه

عبدالناصر البنا
02-02-2011, 09:01 PM
انا الشعب
والشعب يريد إسقاط النظام
يا صديقي الحميم انها لعبة قذره ارادوا بها قتل الثوره
بوصفهم انها ايام عصيبه نعم عصيبه علي الظالمين
انها ايام مجيده انها ثورتنا ولو كره المنتفعون

عبدالناصر البنا
02-02-2011, 09:07 PM
1 (http://saddana.com/forum/#)2 (http://saddana.com/forum/#)3 (http://saddana.com/forum/#)4 (http://saddana.com/forum/#)
تاريخ النشر:22/01/2011 القراءة: 70 Share (http://www.addthis.com/bookmark.php?v=250&username=mrasinaweb) |

[/URL] [URL="http://javascript<b></b>:ts('Label2',-1)"] (http://javascript<b></b>:ts('Label2',1)) كاس افريقيا ! عبدالناصر البنا

السلطان قال للحراس
هشوا الدبان
خلوني آرتاح
من وجع الراس
هبوا الجدعان
شبوا الشبان
ماحناش دبان
احنا الطوفان
تحتنا تنداس
فذ السلطان ويا مراته
لملم خلجاته ودهباته
واتسحب بعد ما نامو الناس
دقت اجراس الحريه
قوم ياحسين قوم قول لبهيه
المره الجايه علي الخناس
زا ما ف فرقتنا ف الارض شتات
عمال تلهفها تبات ونبات
حتي وانت ف آخر الانفاس
...جاي دورك جاي دورك
بس اياك تهرب بالكاس!!!!!!

عبدالناصر البنا
02-03-2011, 09:05 AM
لا عوده الي حدود ماقبل 25 يناير ثورة الكرامه

عبدالناصر البنا
02-03-2011, 09:18 AM
انهم يعيدون كتابة التاريخ انهم ابطالنا الذين سحقوا خنوعنا واستكانتنا وصبرنا علي الذل والمهانه

عبدالناصر البنا
02-03-2011, 09:19 AM
غنوا لشهداء الكرامه
لم يأبهوا لقراصن الشيطان
ماتوا لاجل ان يكون لنا كرامه
ما افزعتهم سطوة السلطان
ولم البكاء؟
ان الشهيد يطربه الغناء
وتفتحت من اجله كل ابواب السماء
ياليتنا يا صاحبي كنا جميعا شهداء

عبدالعليم حريص
02-03-2011, 06:27 PM
ميروك يا عربي
رؤس النظام الفاسدة وقعت

عبدالناصر البنا
02-04-2011, 12:11 AM
لن يقتلوا ثورة الشعب بمكايدهم لقد تحالفوا مع الشيطان
وهاهو الشيطان يقول له
[اني برئ منك اني اخاف الله رب العالمين]

عبدالناصر البنا
02-04-2011, 09:29 AM
قومي ارفعي الادان حان وقت فجرك






طغيان خلف طغيان ولامتي صبرك

عبدالناصر البنا
02-04-2011, 09:46 AM
قومي ومتخافيش
فرعون وايه فرعنك
ملقتش حد يصدني
قومي احضني

عبدالناصر البنا
02-04-2011, 12:24 PM
اليوم آخر ايام الطاغوت ومصر تولد من جديد

عبدالعليم حريص
02-05-2011, 05:12 PM
يا عربي
أنت متفائل
يا عربيييييييي

عبدالعليم حريص
02-06-2011, 03:04 PM
شو يا عربي فين تخاريفك ولا عقلت يا عربي

عبدالناصر البنا
02-07-2011, 08:33 AM
آسف اني اتاخرت عليكو كان عندي مظاهره اح اح إح صوتي كده واضح انا مش فاهم اي مكان اروح فيه الاقي الناس كلها عارفينني والراجل بتاع المظاهره كل شويه يقولك انت ما بتفهمشي يا عربي هنقولهالك بقي بالعبري
لا هو كان بيقول انت مابتفهمشي عربي وحذف يا لاني كنت جنبه وعارف اني سامعه وان انا عربي!!!!!

عبدالناصر البنا
02-07-2011, 08:43 AM
التليفزيون المصري
وغيابي لم يكن فقط علشان المظاهرات ولكن لاني كنت ضيف علي التليفزيون المصري الذي خبأ صورتي ولعب في صوتي
واعترفت امام الجماهير باني عميل لدوله اجنبيه معرفش اسمها لاني ضعيف ف الانجليزي اتفقوا معايا اني اروح ميدان التحرير واهتف ضد النظام (نظام التعليم) ووعدوني بميت جنيه وربع ف الليله وقد عملت معهم تلات ليال واعطوني تلاتميت جنيه وفاضللي جنيه الا ربع
هنديك جنيه بحاله يا عربي!!!!!

عبدالناصر البنا
02-07-2011, 08:46 AM
التليفزيون المصري
وقد اظهر التليفزيون المصري ميدان التحرير فاضي ومافيهوش ولا صريخ ابن يومين وعرف الشعب المصري انها كلها اشآعات مغرضه هدفها زعزعة الامن والاستقرار(بتوع النظام)
ياعربي!!!!!!

عبدالناصر البنا
02-07-2011, 08:55 AM
التليفزيون المصري
كما استضاف التليفزيون المصري نخبه من الفنانين الذين راحو يلعنون سلسفين ابو المتظاهرين العملاء الذين نكدوا علي (النظام) كما طالب احدهم بهذه المناسبه بتخفيض الضرائب عن البومه الجديد وقد وعدته المذيعه انه مش هيدفع ضرائب خالص
لاهو ولا عربي!!!!!

عبدالناصر البنا
02-07-2011, 08:58 AM
ست شهور
ياجماعه الراجل عاوز يحكم علي الشعب ست شهور
مع الشغل والنفاذ

عبدالناصر البنا
02-07-2011, 09:07 AM
بيان منظمة صحفيون بلا ضمير
اصدر المتحدث الرسمي باسم منظمة صحفيون بلا ضمير
البيان التالي: اولا ادانة كل عمليات العنف التي نكدت علي النظام
ثانيا :ضرورة التكاتف وبشده من اجل عودة الامن والنظام
ثالتا اذا كان مفيش فايده من النظام فنحن نؤيد ونساند هؤلاء الشباب الذين ضحوا بحياتهم من اجل اسقاط النظام
ياعربيييييييييييييييييي!!!!!!!

عبدالناصر البنا
02-07-2011, 09:14 AM
منظمة صحفيون بلا ضمير
لابد من التعاون والتكاتف من اجل اسقاط كل المحاولات التي تحاول ان تنا من مصر وامن مصر ونظام مصر وتحيا مصر
ان هذه الايام العصيبه التي يمر بها الوطن(النظام) وابناء الوطن(احنا) سوف تمر وسوف نخرج من المحنه اقوي واشد من الاول
وسيحاكم كل الذين تورطوا في المظاهرات
كما سيحاكم كل الدين وقفوا في وجه المظاهرات(في حال وقع النظام)والارزاق علي الله وعربي!!!!!!

عبدالناصر البنا
02-07-2011, 09:22 AM
كيف وصل شحيبر
وقد استطاع شحيبر الوصول متسللا الي صفحتنا (الشرف والكرامه) مع انها حاجه غريبه عليه جدا وكلمتان ليسا في قاموس( النظام) الذي تعلمه واعلن سخطه وغضبه علي هؤلاء المحرضين الموجودين في ميدان التحرير الذين جوعوا الشعب (الشبعان) وزعلوا الشعب (الفرحان) وهاو هاو هاو هاو
تحيا مصر
ياعربي!!!!!!!

عبدالناصر البنا
02-07-2011, 09:27 AM
كما اعلن شحيبر
انه لو كان مكان وزير الحربيه (تعيش وتمسكها يا شحيبر) فانه سيامر جنوده بنسف ميدان التحرير باللي فيه
وابقوا تعالو قابلوني لو لقيتوا حته تلمكوا انتو وعربي!!!!!!!

عبدالناصر البنا
02-07-2011, 09:52 AM
كل الذين راهنوا علي النظام
هذا وقد بدأ التليفزيون المصري يغير من خطته الجديده بعد ان ايقن انه مفيش فايده وانقلب الجميع علي الوجه الآخر وبداوا باستضافه هؤلاء الذين ايدوا الشباب ودعموهم قلبا وروحا وبدا المذيعون نفس المذيعون الذين ادانوا العنف وقلة الادب راحوا يبحثون في القاموس عن كلمات تستطيع ان توفي هؤلاء الابطال حقهم من التمجيد والاعجاب ومن الآن وصاعدا سوف يكون التليفزيون كله تصقيف وتهليل وهيصه للعرسان الجدد
الي حين صدور اوامر جديده
يا عربي!!!!!!

عبدالناصر البنا
02-07-2011, 10:33 AM
القميص هنزرره
وهنغسله وننشره
والرئيس هنغيره
والخسيس هنبهدله
وشحيبر؟؟؟

عبدالعليم حريص
02-07-2011, 03:04 PM
المهم المظاهرة دي كانت علشان أيه .........؟
ههههه

عبدالناصر البنا
02-07-2011, 04:33 PM
المهم المظاهرة دي كانت علشان أيه .........؟
ههههه
اللي فهمته ان مصر طالبه الطلاق وهو منشف دماغه
ياجماعه ماسمعتوش عن قانون الخلع؟؟ قوللهم ياعربي!!!!!!

عبدالناصر البنا
02-07-2011, 04:36 PM
بعد استقالة جمال
دلوقتي انا الوحيد اللي بشتغل في العيله ياتري بقي الماهيه هتكفي مين ولا مين؟؟ربنا يستر يا عربي!!!!!!

عبدالناصر البنا
02-07-2011, 04:44 PM
مبارك وعربي
عندي استعداد افضيلك الميدان ده ف ثانيه بكلمه واحده بس
عارفها ياريس:هابرا كادابرا
لا ياخفيف مش دي كلمه قالها جمال عبدالناصر
طب ماتقولها واحنا نسميك ابن جمال عبدالناصر
ليه انت ناسي ان انا الوحيد دلوقتي اللي شغال ف العيله دول عيلين وامهم يا عربي!!!!!!

عبدالعليم حريص
02-07-2011, 05:03 PM
معلش يا عربي بعيدا عن السياسة
هو المخلد دائما أحمد بيه عز
سمعت طرطيش كلام عن إنه هيتحاكم
طيب يا عربي هو هيتحاكم لوحد ولا بجزمته (حذاؤه)
فاكر ياعربي لما صلى عيد الأضحى وجايب واحد معين خصيصا لحمل جزمته خارج المسجد أاعتقد أنه من العدل أن تحاكم هذه الحذاء قبل أحمد عز لأنها من عوامل تفجير بركان الشارع المصري..
بس ياعربي سمعت إنه مراته سافرت يا ريت ما يكونش هو بس متخفي
زي رشيد اللي قالوا إنه معتقل وهو اتصل بيهم من دبي ......

عبدالناصر البنا
02-07-2011, 05:04 PM
ولقد بدأ مندوبو جمعية صحفيون بلا ضمير في اتخاذ التدابير اللازمه لمواكبة العهد الجديد وقبل اعداد قصائد المدح والغزل في صناع الثوره فانهم لا ينسون ان يوجهوا شتمتين تلاته لهؤلاء الذين لم يشاركوا فيها وطبعا بديباجه إيه لا حلوه الديباجه دي يامندوب الجمعيه طبعا الايام السوده عدت ودلوقتي معاك الفرشه تلون زي ماتحب بالغيظه فيك يا عربي!!!!!!

عبدالناصر البنا
02-07-2011, 05:11 PM
معلش يا عربي بعيدا عن السياسة
هو المخلد دائما أحمد بيه عز
سمعت طرطيش كلام عن إنه هيتحاكم
طيب يا عربي هو هيتحاكم لوحد ولا بجزمته (حذاؤه)
فاكر ياعربي لما صلى عيد الأضحى وجايب واحد معين خصيصا لحمل جزمته خارج المسجد أاعتقد أنه من العدل أن تحاكم هذه الحذاء قبل أحمد عز لأنها من عوامل تفجير بركان الشارع المصري..
بس ياعربي سمعت إنه مراته سافرت يا ريت ما يكونش هو بس متخفي
زي رشيد اللي قالوا إنه معتقل وهو اتصل بيهم من دبي ......
البلد فيها قانون والمتهم برئ حتي تثبت ادانته لمدة ست شهور بعديها ابقي قابلني ياعربي انت واصحابك لو لقيتوا مننا واحد علي اي حال لو ملقيناش الجزمه بتاع عز يبقي مفيش غيرك يا عربي مانت غاوي جزم
ياعربييييييييي!!!!!:woow::woow::woow:

عبدالعليم حريص
02-07-2011, 05:48 PM
:mb::mb:ههههههه

عبدالناصر البنا
02-07-2011, 09:53 PM
شهداء الكرامه
غنوا لشهداء الكرامه
لم يابهوا لقراصن الشيطان
غنوا لشهداء الكرامه
ما ارهبهتهم سطوة السلطان
ضحوا لاجل ان يكون لنا كرامه
وهبوا لنا الارواح والابدان
لا تبك يا صاحبي علي من فتحت له
كل ابواب السماء
وتزودت له النجوم
بالزخارف والبهاء
وتزينت كل الكواكب
لمحافل الابطال
لمواكب النجلاء
للقاك يا زين الشباب
ويا رفيق الانبياء
غنوا جميعا للشهيد
{مصر التي في خاطري وفي دمي}
وفي دماء الفقراء
وفي عروق الاوفياء
لاوقت ابدا للنحيب
فقدرنا لابد ان يستجيب
لاتبك يا صاحبي
ياليتنا كلنا
كنا جميعا:شهداء

عبدالناصر البنا
02-08-2011, 08:51 AM
اليوم مظاهره مليونيه جديده :هيلا هوب هيلا هوب هيلاهوب

عبدالناصر البنا
02-08-2011, 08:53 AM
:هيلا هوب هيلا هوب هيلاهوب
ياريس:صلي عالنبي
ياريس: ارحل والنبي

عبدالناصر البنا
02-08-2011, 08:57 AM
وعد شرف اول ما تعملها هنغني: قاعدين ليه ماتقوموا تروحوا

عبدالناصر البنا
02-08-2011, 09:02 PM
خبر عاجل
فرانسوا فويون رئيس وزراء فرنسا ركب طيارة مبارك في النويل الماضي!
ودي تهمه شويه دا هيتخرب بيته واحتمال كبير يقدم استقالته
امال اللي مبارك بيعلفهم كل يوم دول هيعملوا يه يا عربي!!!!!

عبدالناصر البنا
02-08-2011, 09:07 PM
انا شايف ان ادارة صدانا تفتح باب اسمه باب الترجيع بالذوق للناس المباركه اللي ساندوا الحيطه المايله لحد آخر نفس
يخلوا عندهم دم ويرجعوا النياشين وكمان كاس افريقيا اللي شحاته ابو كف(من كتر التصقيف) اهداه للريس احسن يخلع بيه ويقوللك هديه وانت مالك ياعربي!!!!!

عبدالناصر البنا
02-08-2011, 09:59 PM
التليفزيون المصري
بعد القبض عليا ؛عربي العربي يابيه دا اسمي الحركي ظبطوني وانا بجيب سندوتشات كنتاكه للمتظاهرين وقالوا اني بتكلم بلكنه اجنبيه بصراحه انا كنت بتأنتك علي البائع فعوجت لساني فافتكروني اجنبي بس انا عميل يابيه وكنت مسافر بلد اسمها اسرائيل كانوا بيدربوني انام تحت الدبابات لان مكانش فيه سراير وبصراحه لما عرفت انهم هدفهم كلب نزام الحكم هربت بالساندوتشات كلها وقلت انا اولي بيهم اصلي اني يابيه عربي!!!!!

عبدالناصر البنا
02-08-2011, 10:17 PM
سير وتراجم الصدانيين
عندما قرات الدعوه الموجوده علي الصفحه الرئيسيه بدعوة المبدعين لوضع سيرتهم الذاتيه توجهت علي الفور الي المكان الذي خصصته ادارة صدانا لذلك فوجدته مغلقا قلت يمكن انا اكون وصلت بدري استني شويه ساعه ساعتين لسه قافلين اخبط ولا حياة لمن تنادي قلت لازم هما جوه ومش عاوزين يفتحولي اعمل ايه بقي احدفهم بالطوب لا عيب ف الآخر جالي الهام انهم ممكن يكونوا ف التحرير اكيد راحوا يشاركوا مصر في فرحها هيا مصر بتتجوز كل كام سنه الف الف مبروك ياعربي!!!!!!

عبدالناصر البنا
02-08-2011, 10:28 PM
سير وتراجم الصدانيين
انا كنت عاوز اسال الاستاذه فاطمه نجيب كام صوره معانا والصور شمسيه ولا كهربا لان الكهربا ساعات بتقطع وبالنسبه للسن نقول علي سننا الحقيقي ولا نعمل زي نانسي انا شخصيا من مواليد 25 يناير الفين وعشره الا اذا كنتو عايزين تحسبوا عليا اللي فات قبل ما اثبت للدنيا اني صحيح عربي!!!!!

عبدالناصر البنا
02-08-2011, 10:32 PM
البطاقه الشخصيه الجديده
الاسم عبناصر وابويا الشيخ براهيم
مولود ف يناير وف يوم خمسه وعشرين
ومكان ميلادي مصر جوه ميدان التحرير
انا اسمي عبناصر

عبدالناصر البنا
02-08-2011, 10:39 PM
ايه اللخبطه دي عبناصر ولا عربي؟؟
عبناصر العربي!!!!!!

عبدالناصر البنا
02-08-2011, 11:52 PM
مش عارف بقي ازغرد لاول وسام ولا ازغرد ع اللي هيحصل بعد ايام او ساعات اخيرا ياعربي قميص جديد ورئيس جديد ونصر جديد اهديه الي روح كل شهيد وكل قطرة دم سالت علي ارض مصر من اجل ان يكون لنا كرامه اعيش عربي واموت عربي!!!!!

عبدالناصر البنا
02-08-2011, 11:56 PM
اعود واشكر من قلبي عرفانا وتقديرا لكل العاملين في صداناعلي اول وسام شرف اعتز وافخر به شكرا شكرا شكرا واتمني ان اكون دائما عن حسن ظنكم بي عبدالناصر البنا او عربي!!!!!

عبدالعليم حريص
02-09-2011, 03:01 AM
طيب يا سيدي مرسي

عبدالناصر البنا
02-09-2011, 08:49 AM
بمناسبة عيد الحب يوم اربعتاشر تري ماذا سيقدم مبارك لحبيبته مصر؟؟؟؟
استقالته ياعربي!!!!!؟؟؟؟؟

عبدالناصر البنا
02-09-2011, 10:01 AM
دعوة ميركل لمبارك للعلاج في المانيا
اولا يلحق يتعالج علي حساب الدوله
ثانيا وده الاهم عاوزين يعرفوا ايه اللي حصله بالظبط ماعدش بيفهم ليه ماكان ماشي عال
باينه اتحسد ولا ايه يا عربي!!!!!!

عبدالناصر البنا
02-09-2011, 10:11 AM
لا يمكن ان ابقي ابدا كالقشة تحت الامطار

الجو برد عليك ياريس ؛قولها وخلصنا ياعربي!!!!

عبدالناصر البنا
02-09-2011, 10:18 AM
قدر احمق الخطا سحقت هامتي خطاه
ح. م.
ما قلتلك بلاش تتحدي القدر وتزور في الانتخابات
ياعربي!!!!!!!

عبدالناصر البنا
02-09-2011, 10:21 AM
تلاتين سنه خدمه وآخرتها اتبهدل كده زي بابا عبده عاوزين يبدلوني بالفيسبوك يرضيك كده ياعربي!!!!!!

عبدالعليم حريص
02-09-2011, 06:41 PM
مبارك ياعربي
رئيسك حصل على الدكتوراه الفخرية في العند
واحتمال جائزة نوبل في التطنيش مناصفة مع عربي

عبدالناصر البنا
02-09-2011, 08:56 PM
اعتقد انه في النهايه لابد ان يرضخ لدعوة السيده انجيلا ميركل وبالذات انها آخر فرصه له للعلاج علي حساب الدوله انا شخصيا اعتقد انه عاملهالنا مفاجاه ف عيد الحب
آه ياتري هتجييبلها ايه السنه دي ياعربي وللا زي كل سنه؟ ياعربي!!!!!!

عبدالناصر البنا
02-09-2011, 10:57 PM
هتلاقيني مستنيك ف المطار وعلشان تعرفني هتلاقيني لابس كلبشات ف ايدي ومحاوط برجال الامن(اصدقائي) وهاسيبلك نمرة المحامي بتاعي هوه متعود ييجي يخرجني ويقوللي:ياعربي لما حد يقوللك استناني ف المطار يعني بره المطار ايه اللي بينزلك تحت بين الطيارات؟؟؟ياعربي!!!!

عبدالناصر البنا
02-09-2011, 11:44 PM
هل تسامح الثوره هؤلاء الذين وصفوها انها محنه وايام عصيبه
اكل العيش مر يا عربي!!!!

رغدالحسينى
02-09-2011, 11:47 PM
http://www.youtube.com/watch?v=E5d4sSs2Xsc

عبدالناصر البنا
02-09-2011, 11:49 PM
علموا اولادكم ان تكون حياتهم في كفه وكلمة الحق في كفه ان يموت الانسان شريفا خير له ان يعيش ذليلا لا تقل انا تونسي اوجزائري اومصري او او او بل اختصر وقل انا عربي فكلنا في عيون العالم
عربي!!!!!!

عبدالناصر البنا
02-09-2011, 11:53 PM
http://www.youtube.com/watch?v=E5d4sSs2Xsc
دا اخو عربي العربي ولا تشابه اسماء هههههههه:ooooh::ooooh::ooooh:

رغدالحسينى
02-10-2011, 12:05 AM
احدأتنين الجيش العربي فين


الجيش العربي في مصرساكن في مدينة نصر
بيصحى من النوم العصر

وبيفطر شاي و منين

واحد اتنين الجيش العربي فين

الجيش العربي في سوريا

حالق عالموضة كابوريا
وعلى طريقة فكتوريا

خلّى الترماي بدورين

واحد اتنين الجيش العربي فين

الجيش العربي الليبي

زيّ الفن التكعيبي
كله بتنجان يا حبيبي

و الظاهر واخد عين
واحد اتنين الجيش العربي فين

الجيش العربي خليجي


ما فيه حيل لا يروح ولا ييجي

هذا صمت استراتيجي

ايش فيك يا غراب البين

واحد اتنين الجيش العربي فين

الجيش العربي في تونس

اخضر مثل البقدونس

وعزيزة بتعشق يونس

تبقى الحروبات بعدين

واحد اتنين الجيش العربي فين

الجيش العربي سوداني

سامع رنّته بوداني

هو انا هاهجم فرداني

يالا ارجع يا ابو حسين

واحد اتنين الجيش العربي فين

الجيش العربي اتهان

يوم ما انضربوا الأفغان

وسكت في البوسنة زمان

و قبل ياكل بالدين

واحد اتنين الجيش العربي فين

قصيدة للشاعر / محمد بهجت

عبدالعليم حريص
02-10-2011, 01:02 AM
سيادة المستشار عربي
أعز الله بقاءك
سمعت شعار بيقول (أحلف بسماها بترابها الحزب الوطني اللي خربها)
وفي نفس ذات الوقت سمعت ( أحلف بسماها وبتربها إمبارك هو اللي خربها)
بصراحة ما فهمتش حاجة قولت أسألك هو فيه علاقة بين الحزب الواطي وإمبارك ويجعلوا عامر..
فكرتني لما لقيت السلام الوطني بتاعنا بس الجديد قرروه على الشرطة بعد الثورة وقفت سكمم بكمم واسمعت السلام الوطني
يا ريت تسمعه للآخر هه
http://www.youtube.com/watch?v=X0x3aWQhx84

عبدالناصر البنا
02-10-2011, 09:10 AM
الانقلاب
قرات ان الكاتب المصري بهاء طاهر الحائز علي جائزه مبارك للآداب اعلن رفضه للجائزه بعد ان علم ان مبارك قد اهدر دماء المصريين الطاهره
لازم يروح يرجعهاله ويقوله يارئيس ياوحش خد الجايزه بتاعك دلوقتي بس عرفتك علي حقيقتك!!
هدي نفسك يابهاء احنا كلنا كنا مخدوعين فيه مبارك اللي الواحد كان بيقول عليه ملاك يطلع منه كل ده انا مش مصدق دا كان زي البنت البكر يآآآه ع الزمن ياعربي!!!!!!

عبدالناصر البنا
02-10-2011, 09:15 AM
وكان ان تحول الجميع بقدرة قادر الي مكتشفين ومصدومين انا رايي ان الاستاذ طاهر لابد ان يسجل براءة هذا الاكتشاف الدنيا معادش فيها امان ياعربي!!!!!

عبدالناصر البنا
02-10-2011, 09:20 AM
وقد بدأت النقابات والجمعيات تظهر بيانات التأييد للثوره المباركه (بتواريخ قديمه) يعني باثر رجعي
وشددت علي السب العلني لكل من تسول له نفسه ركوب الموجه او السطو علي مكاسب الثوره(الفتنه سابقا) ياعربي!!!!!

عبدالناصر البنا
02-10-2011, 09:26 AM
اما فناني مصر فلقد انقلبوا في يوم وليله علي الوجه الآخر وكل من ادلي ببيان او تصريح عاد وكذبه
واكد علي انه يثق في وعي الناس وذكائهم الفطري اكيد اكيد ياعربي!!!!!