ولا حاجه افظع م الكوفيد

ولا حاجه
مش هتاخدني ف حضنك يابني
خايف مني
جاي من بره وخايف اعديك
إخص عليك
ده انا بحياتي وعمري افديك
وبكره الايام هتوريك
انا ماشي
راجع من مطرح ماناجيت
واليوم اللي يروح ما بيرجع
واستنيت
تيجي تودعني
استنيتك
وانت ما جيت
ومشيت
وحاجات جوايا بتوجعني
مش بس المرض اللي بيوجع
ده الدنيادي فيها حاجات افظع
افظع م العدوي وم الكوفيد
صدقني
انا وانت بعيد
عن عيني
ولا حاجه بتحلي ف عيني
ولاحاجه
جاري ف الطياره سالني
لما الدمعه
فرت من عيني
مالك
فيه حاجه
رديت وانا بمسح عيني
ولا حاجه
ابدا
ولا حاجه
عبدالناصر البنا
01/01/2021

الموضوع الأصلي: ولا حاجه افظع م الكوفيد || الكاتب: عبدالناصر البنا || المصدر: مؤسسة صدانا مسجلة في الهيئة الدولية لحماية الايداع الفكري

الرائع عبد الناصر

يطل علينا هذا النص في اول يوم من العام الجديد
مملوء بتلك المشاعر التي تبعد عن العدوى والكورونا
مملوؤون نحن بالوجع
بالفعل في الدنيا حاجات أفظع مما نتخيل
كن بخير

غاده الغاليه
ربنا ما يحرمني منك ولا من كلماتك وتاييدك يا فراشة صدانا الجميله