خليكي لابسه الكمامه

انا مش فاهم انا مين ؟
انا صاحي ولا انا نايم ؟
مش فاهم
اناعربي انا افرنجي؟
انا دكتور ولا تمرجي؟
انا بودلير ؟
انا موليير ؟
انا بيرم ؟
انا مين ياتري ؟
وفي عروقي القسطره
الا ما اكونش عنتره
مش ممكن
ده عنتره شاعر فارس
ولا عمرهوش فات في مدارس
كانت سيوف وسهام
وانا مش قادر انام
سامع طبول الحرب
تعبان مش قادر
وكاني ف قطر مسافر
وانا راكب فيه سواح
وبشوف ف النور اشباح
وبيوت منسيه
اطفال عماله بتلعب
ورا بعض تلطش تضرب
دول عسكر دول حراميه
ف الراديو التمثيليه
شفيقه .....متولي
دكتور ايه اللي حصل لي
ولا حاجه بس شوية سخونيه
لما هتهدي الحراره
هيخف ويبقي عال
بس ابعدي العيال
يامدام من فضلك
خليكي لابسه الكمامه
الظاهر العمر سرقني
ملحتقش احلق دقني
وبقينا يوم القيامه
مريض

الموضوع الأصلي: خليكي لابسه الكمامه || الكاتب: عبدالناصر البنا || المصدر: مؤسسة صدانا مسجلة في الهيئة الدولية لحماية الايداع الفكري

ربي يحفظك ويسلمك من شر كل مرض مبدعنا العربي

وأصبحت الكمامة شغلنا الشاغل

رائع كالعادة عبد الناصر
... كن بخير