تخاريف عربي - عبدالناصر البنا

اَي وقت تحب ترجع فيه ارجع
لن اخبرك أبداً ان الوقت متاخر ...بس انت انوي ع الرجوع
انا سهران مستنيك ... وحياة ابوك ... ارجع
نداء أبوي

لما برجع تاني بيتنا

ببقي خايف
اني ابعد عنه خطوه
ببقي خايف لحسن ارجع ملقهوش
عيني بتشوف كل حاجه جوه حلوه
عيني بتشوف الجمال فوق الحيطان
زي لوحه مرسومه لاعظم فنانين
عيني بتشوف الدقايق والساعات والسنين
عيني بتشوف الوشوش
اللي راحوا
واللي قالوا متخافوش
احنا راجعين
وراحوا
ومرجعوش

كنت أود أن ادلو بدلوي في موضوع الكوفيد19 ولكن لأني لست متخصصاً في أي من مجالات الطب كنت دائما أتردد في الخوض في أشياء لا علم لي فيها لكني قررت اليوم أن اخرج عن صمتي كمواطن مصري يعيش في أوروبا منذ أمد بعيد وأقدم إليكم هذه الشهاده في بداية انتشار الفيروس وعند الإعلان عن أول حالة وفاه في فرنسا بمرض الكورونا وقفت الدنيا ولم تقعد وخرج الرئيس الفرنسي في التليفزيون متجهماً يعلن أن فرنسا تواجه عدواً خطيراً إنها الحرب
وبدأت مراسم الحرب وأعلنت حالة الطواريء ومنع الشعب من الخروج إلا بإذن مكتوب وبشروط معلنه وأغلقت كل المنافذ والحدود والمحلات والمراكز وحتي دور العباده وتوقفت كل النشاطات الرياضيه والموسيقيه ولم يسمح إلا لمحلات الغذاء فقط ووضعت المسافات بين الناس ووزعت المطهرات والماسكات علي المستشفيات وتدخل الجيش بطائراته ومعداته الطبيه وكانت الحالات تزيد يوما بعد يوم وأعداد الموتي يرتفع كل يوم كان النائب الطبي لوزارة الصحه يخرج كل يوم ويلقي بيانه اليومي عن الأعداد والتقريرات المقدمه إليه من كل المراكز الطبيه وكانت هناك انتقادات كثيره للحكومه في مسائل شتي من جانب المعارضه ومع كل هذا فلقد إحترم الشعب كل قرارات الحكومه واحترمت الحكومه كل مصالح الشعب ولم تتوان عن مواجهة كل خطأ أرتكب وقامت بتصحيحه
الآن وقد نفذت الحكومه خطتها وبدأ العد التنازلي لأعداد المرضي والموتي وخلت المستشفيات من المصابين وفك الحظر المفروض عاد الشعب الي العمل بحذر وشروط .... نجحت فرنسا حكومة وشعباً وكسبت الحرب
لم يخرج أحدهم ليقول إنها شائعات مغرضه
واجهوا العدو بكل ما يملكون من عتاد وسلاح
توحدوا وتعاونوا ولم يتخل أحدهم عن جاره العجوز ولا المريض
لم يخرج أحدهم ليعلن عن وصفه سحريه وآيات طبيه وأدعيه ربانيه تحارب وتشفي المرضي
كانت الحرب بين المرض وبين العلم والاراده والإيمان
أكيد أنا مقدرتش أقول كل حاجه ولكن أهم حاجه هي كانت البداية الصحيحه للمواجهه والأبطال الحقيقيون هم الحكومه والشعب بكل طوائفه
الأطباء والممرضين ورجال الأمن الشرطه والمطافيء والجيش
دلوقتي نقدر نصلي علي موتانا ونطلب لهم الرحمه
الموضوع مش مسلسل البطل فيه بيموت ف الآخر الموضع واقع البطل فيه بينتصر ف الآخر
عبدالناصر البنا

درجه تالته مكيف درجه تالته مكيف

اخر مره وانا راجع من اسكندريه رحت محطة سيدنا جابر كنت فاكر اني
هلاقي تذكره اولي
او تانيه حتي ملقتش لكن مينفعش لازم ارجع المحله الليله
وقفت ف طابور تذاكر الدرجه التالته عشان اقطع تذكره جه شاب من ورايا ومد ايده قدامي لموظف الشباك عشان يقطع تذكره فرشقته بنظره غضب شديده وانت عارف نظراتي وقلت له من فضلك انا لسه ما انتهيت وكان ان طلب مني الموظف جنيه فكه مكانش معايا الشاب راح مخرج جنيه من جيبه وناوله مباشرة للموظف دون حتي ان ينظر الي
الموظف اخد الجنيه واعطاني التذكره حاولت ان اشكره نظر الي بابتسامه وهز راسه ولا حاجه يا عمو
كنت عاوز اعلمه الاخلاق لقيته بيديني هو درسا اعظم بكثير
الناس البسطاء اللي علي طبيعتهم عندهم قيم واخلاق اعظم من المظاهر التي يتخلي بها اصحاب الشعارات البراقة

ثوره فرنسيه علي كل انحراف اسلامي يخالف قوانين الجمهوريه
الراجل اللي اندبح في فرنسا كان بيناقش حرية التعبير علي صوره مستفزه للمسلمين بس الرساله اللي كان عاوز يوصلها هي ازاي نقبل النقد ونقبل مالا نحب دون ان ننفعل ونفقد اعصابنا
يعني كل النكت الفرنسيه واكثرهم اضحاكاً هي نكت عن اليهود وبلسان اليهود ولكن اليهود ضربوا المثل الاعلي في برود الاعصاب بل كمان بيضحكوا علي انفسهم
وعلي صورهم المرسومه في كل الجرايد والمجلات
الرجل فشل في ذلك ابنة احد المسلمين اوصلت الرساله لابيها الذي فهم انهم يعلمون ابناءنا في المدارس ان نتهكم علي الاسلام ورسول الاسلام فثار غيرة علي دينه ونبيه واثار حوله الكثيرين ورفض المشاركه في نقاش مع المدرس في الاجتماع الذي دعته اليه مديرة المدرسه بعد ان قام بشكوي للبوليس ونشر فيديو يعلن فيه ان المدرس كاره للاسلام وان الدوله تزرع احتقار الاسلام في مدارسها وكانت النتيجه هي ان هذا المدرس دفع راسه ثمنا لهذا الهجوم ... قاتله قتل ايضا ابو البنت وعشره اخرين محتجزين قيد التحقيق الشعب الفرنسي كله يرفع صورة المدرس ويقول كلنا صامويل باتي (مدرس التاريخ المقتول)
اربعة تلاميذ هم الذين ارشدوا القاتل عن المدرس مقابل بضعة نقود ما يذكرنا بالثلاثين من الفضه التي دفعها اليهود الي يهوذا الاسخريوطي مقابل ان يدلهم علي المسيح
فرنسا غاضبه ثائره علي كل ماهو مسلم اغلاق المساجد والقبض علي كل ما تحوم حوله الشبهات
كل من شجع او بارك هذا الهجوم
الدعوه الي الوحده الوطنيه وعدم خلط الاوراق بين المسلمين والمتطرفين الذين يزرعون الفتنه واستغلال الازمات لطمس معالم الاسلام والمسلمين واظهار صورة المسلمين وكانهم قوم جبايره متوحشين وانهم اعداء الحضاره والتقدم
فرنسا اعطتنا الكثير وكل خلاف في الراي ممكن نقاشه
والوصول الي حل هذا هو ديننا السمح الذي يجب ان نظهره للعالم ونفوت الفرصه علي المتامرين
ده رايي الشخصي ولا الزم احدا بمباركته واني فقط اطلب من الجميع احترام الراي.... ولو لا يتفقون معه

.ولسه بعشق
خطوط النور علي جبينك
ولسه بعشق
سواد الليل ف عيونك
لو يقسموا البحر علي اتنين
ويفرقوك يامصر اتنين
هسكنهم حشا قلبي
وهطعمهم حباب العين
ومهما تهون بلاد الناس علي غيري
مافيش غيري...
هيصحي من آدان الفجر
ويدعيلك
بعيد الشر عن نيلك
بعيد الشر عن قلبك
بعيد الشر عن شعبك
يقع
ويقوم ويحاول
وانا البنا ...وانا مناول

‏لا تندهش
‏لما تشوف العشش
‏جنب القصور
‏وناس تقول ع الضلمه نور
‏ده احنا ف عصور
‏بيحبسوا الاسد الجسور
‏ويقصقصو جناح الطيور
‏وان جيت اقول
‏يقولولي هوشششش
‏لا تندهش

الفرق بين اللقاح الامريكاني واللقاح الصيني
اكيد الامريكاني هيكون بالدولار لكن الصيني هيكون علي قفا مين يشيل
وكلنا لازم نشيل ��

اغاني ومعاني
قررت اني اسخر وقتي لتفسير معني اغنية نانسي الجديده
اغنيه صعبه الحقيقه بتقول حبك بيقوي
والمعني بعد الكشف في مختار الصحاح
حبك مقويات
علي وزنه حبك بيحلي اي حبك حلويات
حبك هو اللي فاضل لي
حبك فضلات
شكراً علي عنايتكم
وحسن متابعتكم
شكراً ... عنايات
عربي