بطاقة حب / الشاعر سالم سيار

  

بطاقة حب 

 الشاعر سالم سيار

احبك

قلب من اول عرق الى اخر عرق

احبك
غمض المغرب
خجل واحمر وجهه
وابتسم له من بعيد الشرق
وشفتي الغيم..اذا ينده..
هو قصده يلفت اشواق الحنين./
الــ لمعة اللهفه بنصل البرق.
ويجي مشتاق…انا من بين
عناق الغيم وهذا البرق…ا
أب امطر لك صباح الحب…
تبللك الاغاني وشفتك
الحور العتيق بأغنية فيروز..
وتقطفني ورود الروز..مني لك
ياحبي لك..بطاقة حب
انا مسافر بعمري لك.
مثل فكره تفز تطير من بالي..
وتلحقها/..
سنيني وضحكة امالي..
وعلى ايدك تحط بحب..
وامر من بين خطوط الكف..
ضوى ضحكة طفل طاير
..ويتناثر/
ويستجمع/
في قلب الصف..
وصوت المدرسة
في اول الهده
يشابه حيل/
بداية صوت كل هذا المطر
من ينتهي /رعده
انا غيمك..
وفيني من الوله اشواق..
وقلبك برق ..
من اول عرق الى اخر عرق…
يجي مشتاق في وده..
وانا امطر لك ..
صباح الحب..
وتطل الشمس
واذوب بداخل الافاق

 

Share

تعليق واحد لـ to “بطاقة حب / الشاعر سالم سيار”

أكتب تعليقا